Allen, die disen brief sehent oder ho^erent lesen, kúnd ich V^olr. von Beggenhouen¹ hern Lútoltz seligen sun von Beggenhouen ritters vnd vergih offenlich, || das ich den pfantschilling des ymis ze Rapreswile², der von minen herren von Hapsburg³ min pfant ist, als die brief⁴ wol bewisent, die ich dar vmbe || von im besigelt han, mit allem recht friheit vnd ehafti, so dar zů geho^ert, als ich es vntz her gehept vnd genossen han, frilich vnd lediklich vff geben haben in || die hant vnd gewalt des . . burgermeisters der ra^eten vnd der burger Zúrich ze nutz vnd ze dienst gemeinlich der selben stat, vnd enzich mich frilich vnd vnbetwungelich fúr mich vnd fúr alle min erben vnd nachkomen, die ich vesteklich hie zů binde, alles rechten vorderung vnd ansprach, so ich oder min erben oder ieman von v´nsern wegen mit geistlichen oder mit weltlichen gerihten oder a^vn geriht dekein wis iemer gewinnen mo^echten nach dem selben pfantschilling des ymis mit allem recht, so dar zů geho^eret, gen den obgenanten dem . . burgermeister den ra^eten vnd den burgern gemeinlich der stat Zúrich vnd gen allen iren nachkomen a^vn geuerd. Ich han o^vch mit gůten trúwen gelopt fúr mich vnd min erben, des vorgenanten pfantschillings des ymis mit allem recht, so dar zů geho^ert, were ze sin nach recht der obgenanten des . . burgermeisters der . . ra^eten vnd der . . burger gemeinlich Zúrich vor geistlichen vnd vor weltlichen gerihten vnd mit namen an allen den stetten, wa vnd wenne sú oder ir nachkomen des notdúrftig sint, a^vn geuerd. Har v´ber ze einem waren offenn^a), das dis alles war vnd sta^ete belib, so hab ich min insigel offenlich gehenkt an disen brief. Der geben ist ze Seldeno^vwe⁵ in dem closter by Zúrich gelegen an den^b) vierden tag genners, do man zalt von gottes gebúrt drizehenhundert vnd fúnfzig jar, dar nach in dem ersten jar.

Source Fulltext: Chartularium Sangallense VII, Nr. 4197, S. 112-113.