Wir Diethelm von Stainegge tv^omprobst¹ vnd Mangolt graf von Nellenburg² chorherre ze Chostentz, gemain pfleger des bistoms ze Costentz in gaistlichen || vnd in weltlichen sachen³, kv´nden vnd veriehen des offenlich mit disem gegenwúrtigen brief, das fúr vns kam Johs. von Scho^ennenberg⁴ mit gesundem || libe vnd offenot vor vns mit sinem fúrsprechen, er wo^elte sin burg ze Scho^ennenberg in dem Tvrgo^ew gelegen, den wingarten, der vnder der selben burg an || dem berg gelegen ist, das Júch⁵, den hof, den man nêmet der Burghof, den V^olrich Winzv´rne bûwet, das gůt vf Ho^eberg⁶, das Johans Bo^etschis buwet, den hof ze Albreswile⁷, den Rv^odolf von Albreswile buwet, vnd dv´ gu^eter ze Seliswile⁸, dv´ Vêntz ab der Hv^ebe⁹ buwet, dv´ ellv´ sin recht lehen von dem gotzhus ze Chostentz sint, vnd darzv^o mit namen alles das, das er von dem gotzhus ze Chostentz ze lehen hat, es sient lúte oder gu^eter, wie dú gehaissen sint, si sien benemt oder vnbenemt, gesůcht oder vngesůcht, der fromen frowen fron Vrsellen, Rv^odolfs des Maigers von Alstetten¹⁰ tochter siner elichen huswirtennen, dv´ da ze gegen was, in gemainde wise vnd in rechter gemainde geben vnd fu^egen, vnd bat vns mit vrtail ervarn, wie er das tv^en so^elte, das es nv vnd hernach gůt kraft hette, haben so^elte vnd mo^echte. Her vmb wart von vns vrtail gefragz^a), vnd wart vor vns mit gesamnoter vrtail vnzerworfenlich ertailt, das wir dem selben Johans von Scho^ennenberg ainen vogt, des er mv^oteti, gêben, vnd wenne der selbe Johans von Scho^ennenberg mit siner vnd des selben sines vogtes hant, der im^b) vmb die sache geben wurde, die vorgenanten burg ze Scho^ennenberg lút vnd gůt vnd was er von dem gotzhus ze Costentz ze lehen hat, als vorgesait ist, vrilich vnd ledeklich an vnser hênde vf gêbe vnd vns darnach mit dem selben sinem vogte bête, das wir die selben burg vnd vesti Scho^enenberg lút vnd gůt vnd was er von dem gotzhus ze Costentz ze lehen hat, von im vf nêmen vnd si der vorgenanten fron Vrsellen siner elichen husfrowen vnd o^vch dem egenanten Scho^enenberg der obgenanten fron Vrschellon elichen wirte mit ir in baiden gemainlichen in rechter gemainde vnd in gemainde wise lihen, das o^vch das billich vnd von rech^a) nv vnd hernach kraft hette vnd haben so^elte. Vnd do das also vor vns vnzerworfenlich ertailt wart, do mv^otete der obgenant Johans von Scho^enneberg, das wir im Dietrich den Maiger von Alstetten¹¹, der da zegegen was, ze ainem vogte v´ber die sache ga^eben, den gaben wir im nach der vrtail, als vor vns ertailt wart, vnd do das beschach, do gab Johans von Scho^ennenberg vnd Dietrich der Maiger von Altstetten mit iren handen vf vrilich vnd ledeklich an vnser hênde die egenanten burg vnd vesti ze Scho^enenberg^c) vnd mit namen alles, das der selbe Johans von Scho^enenberg von dem gotzhus ze Costentz ze lehen hat, als hievor geschriben ist, es sien lúte oder gu^eter, wie dv´ gehaissen oder genemt sient, vnd baten vns darnach ernstlichen baide, das wir si dem obgenanten Johans von Scho^ennenberg vnd fron Vrsellen siner elichen husfrowen inen baiden vnuerschaidenlichen in ainer rechter gemainde vnd in gemainde wise lihent, vnd won vns dv´ bette recht vnd redlich duchte vnd o^vch mit rechter vrtail vor vns ertailt wart, do namen wir die burg vnd vesti ze Schonnenberg, den vorgenanten wingarten, die vorgenanten ho^eff vnd gu^eter vnd mit namen alles, das Johans von Scho^ennenberg von dem gotzhus ze Costentz ze lehen hat, es sient lúte gu^eter aker wisen holtz oder velt gebuwens vngebuwens genemtz vngenemtz gesůchtz oder vngesůchtz, als vorgeschriben vnd beschaiden ist, mit allem rechte sicherhait ehafti vnd zůgeho^erde, so darzů nodurfit^a) was, vf an vnser hênde vnd lihent alles mit enander vnuerschaidenlich wider hindan vmb dem selben Johans von Scho^enenberg vnd fron Vrsellen siner elichen husfrowen in baidon vnuerschaidenlich ze ainer rechter gemainde vnd in gemainde wise. Vnd ist dis besehenen vnd vollfu^eret mit aller der gehúgde vnd geworsami worten vnd werken, so darzv^o geho^erte vnd notdúrftig was vnd gewelich^a) ist vnd als o^vch mit virtail^d) vor vns ertailt wart. Vnd her vmb ze ainem offenen vrkv´nde vnd steter sicherhait diser vorgeschriben dinge haben wir die obgenanten pfleger des bistoms ze Costentz vnser pflege haimlich insigel, das wir in weltlichen sachen bruchen, offenlich gehenket an disen brief, daran o^vch wir Johs. von Scho^ennenberg vnd Dietrich der Maiger sin vogt in dire sache vnsrv´ aigen insigel hant gehenket an disen brief ze merem vrkúnde vnd steter sicherhait diser vorgeschriben dinge. Dis beschach^e)ward diser brief geben ze Costentz, do man von gottes geburte zalte drúcehenhundert jar, darnach in dem zwai vnd fv´nfzigosten jare, an dem nechsten zinstag nach dem zwelften tag ze den wihennechten.

Source Fulltext: Chartularium Sangallense VII, Nr. 4243, S. 150-152.