Venerabili in Christo patri . . dei gracia episcopo Constanciensi¹ vel eius vicar(io) in spiritualibus Stepha||nus miseratione divina episcopus Ostiensis et Velletrensis salutem et sinceram in domino caritatem. Ex || parte universitatis hominum laicorum^a) opidi^b) sancti Galli vestre diocesis nobis oblata peticio con||tinebat, quod ipsi olim, prout vobis latius^c) exponent, quendam presbyterum, qui in predicto opido^b) ecclesiasticum voluit ponere interdictum, quod eis plurimum displicebat, ceperunt et captivum absque tamen manuum iniectione per aliquod spacium temporis tenuerunt, quem postmodum illesum restituerunt pristine libertati, propter quod timent in canonem late sentencie incidisse, verum cum propter eorum multitudinem ad sedem apostolicam eis difficilis sit accessus, supplicari fecerunt humiliter, eis super hoc per sedem eandem de oportuno remedio misericorditer provideri. Nos igitur attendentes, quod, ubi^d) multitudo est in causa, severitati est aliquid detrahendum, auctoritate domini pape, cuius penitentiarie curam gerimus, circumspectioni vestre committimus, quatinus, si ita est^e), postquam passo iniuriam, si non satisfecerunt, satisfecerint competenter^f), ipsos laicos^a) a dicta sententia et peccatis suis aliis^g), que vobis confitebuntur, nisi talia sint, propter que merito sit sedes consulenda predicta, absolvatis hac vice iuxta formam ecclesie consuetam et ipsorum culpa diligenter considerata, iniungatis inde cuilibet eorum^h) auctoritate predicta penitentiam salutarem et alia, que eis de iure fuerint iniungenda, proviso attente, quod unusⁱ⁾ de principalioribus huiusmodi excessus pro dicta universitate sedem visitet memoratam, alioquin in eandem sententiam relapsos se noverint ipso iure. Dat. Auinione, IIII. non. iulii, pontificatus domini Clementis pape VI^k) anno undecimo.

Source Fulltext: Chartularium Sangallense VII, Nr. 4256, S. 159-160.