Allen den, die disen brief an sehent oder ho^erent lesen, kúnd ich Johans Stra^effe Symans sailgen des Stra^effen sun¹ vnd vergih des offenlich an disem brief fúr mich || vnd fúr Ôtten vnd Albrehten min brůder vnd fúr a^ellú minú geswistergit² vnd alle vnser erben, daz wir ze ko^vffen geben hant vnd gebent mit disem brief || fúr v´ns vnd alle v´nser erben reht vnd redlich daz gůt, daz man nempt Stúrfis³, da die Walliser⁴ vff sesshaft sint vnd bi Sewis⁵ gelegen ist, vnd daz gůt in || Faltenen⁶ vnd daz gůt vf Tafaus⁷, daz bi dem sewe ze dem kelre gelegen ist, disú gůter a^ellú gemainlich vnd iegeliches sunderlich hant wir ze ko^vffen geben reht vnd redlich dem edeln v´nserm herren graf Ffriderichen von Tockenburg⁸ vnd fro Kúngunt von Fatz⁹ gra^efin von Tockenburg siner elichen wirtenn vnd iren erben reht vnd redlich mit allen den rehten nútzen vnd gewonhaitten, sú sient gesůcht oder vngesůht oder sú werdent noh funden, genempt oder vngenempt, so zů den obgeschribenen gu^etern ho^eret alder geho^eren solt von reht oder gewonhait, vnd hat v´ns der obgenant edel v´nser herr graf Ffriderich von Tockenburg gantzlich vnd gar gewert des gůtz, darvmb wir inan dú obgenanten gu^eter ze ko^vffen geben hant, vnd ist daz selb gůt in v´nsern gůten nutz bekeret vnd bewendet. Ich bind och mich vnd Otten vnd Albrehten min brůder vnd a^ellú v´nserú geswistergit vnd alle v´nser erben dar zů mit disem brief, daz wir diser gůter aller gemainlich vnd jegeliches sunderlich reht wer sin sont an gaischlichem vnd an weltlichem geriht vnd an allen stetten nah reht, wa sin der obgenant edel v´nser herr graf Ffriderich von Tockenburg oder fro Kúngunt sin elichú wirtenn oder iro erben notdúrftig sint. Vnd des ze warem vnd offem vrkúnd diser gift vnd dis ko^vffes so henk ich der obgenant Johans Straiffe min aigen insigel offenlich an disen brief fúr mich vnd fúr Otten vnd Albrehten min brůder vnd fúr allú v´nserú geswistergit. Vnd ze merer sicherhait vnd besser globsami dis ko^vffes vnd diser ding so hant wir die obgenanten Stra^effen Otten vnd Cůnratten von Castelberg¹⁰ gebetten, daz sú och irú aigenn insigel henkent an disen brief. Dar nah vergehent wir Otte vnd Cůnrat von Castelberg, daz wir durh bette des obgenanten Johans Stra^effes, Otten vnd Albrehtes vnd aller iro geswistergit willen vnd ze vkrúnd, daz wir bi disem ko^eff vnd gift warent, v´nserú aigenn insigel offenlich gehenket hant an disen brief, vnder disú drú insigel wir die obgenanten Otte vnd Albreht vnd a^ellú vnserú geswistergit v´ns bindent, alles daz sta^et ze haben vnd dawider niemer ze tu^enne, daz von v´ns an disem brief geschriben stât, won wir aigener insigel nút enhabent. Dis beschach vnd wart dir brief geben, do man zalt von gottes geburt drúzehenhundert jar vnd dar nah in dem zwaivndfúnftzgosten jar, an dem nehsten donstag nah sant Gallen tag.

Source Fulltext: Chartularium Sangallense VII, Nr. 4269, S. 170-171.