Allen den, die disen brief an sehent oder ho^erent lesen, kúnd ich Johans Stra^eff Symans sailgen des Straffen sun vnd vergih des offenlich || fúr mich vnd Otten vnd Albrehten min brůder vnd a^ellú v´nserú geswistergit vnd fúr alle v´nser erben, daz v´ns der edel v´nser herr graf || Ffriderich von Tockenburg ga^entzlich vnd gar gewert hat aller der kost vnd schaden, so wir oder v´nser vatter sailig an der burg || ze Kaphenstain verbuwen oder gehebt hant, vnd da von so entzihent vnd verzihent wir^a) v´ns aller der ansprach vnd alles des rehten, so wir oder v´nser erben iemer an die obgenant burg ze Kaphenstain han oder gewinnen mo^ehtind an gaischlichem oder an weltlichem geriht oder in kaines weges. Vnd des ze warem vnd offem vrkúnd aller diser ding so henk ich der obgenant Johans Stra^eff min aigen insigel offenlich an disen brief fúr mich vnd Otten vnd Albrehten min brůder vnd fúr allú minú geswistergit. Vnd ze merer sicherhait diser ding so hant wir die obgenanten Stra^effen Otten vnd Cůnratten von Castelberg¹ gebetten, daz sú ze vrkúnd diser ding och ir aigen insigel henkent an disen brief. Dar nah vergehent wir^b) die obgenanten Otte vnd Cůnrat von Castelberg gebrůder, daz wir dur flissig bet der obgenanten Johansen, Otten vnd Albrehtes der^c) Stra^effen vnd durh aller ir geswistergit bet willen v´nserú aigenn insigel offenlich gehenket an disen brief, vnder disú drú insigel wir die obgenanten Otte vnd Albreht die Stra^effen vnd anderú v´nserú geswister v´ns bindent alles daz sta^et ze haben, daz von v´ns an disem brief geschriben stat, won wir aigener insigel nút enhabint. Dis beschach vnd ward och dir brief geben, do man zalt von gottes gebúrt drúzehenhundert jar vnd dar nah in dem zwaivndfúnftzgosten jar, an dem dunstag nah sant Gallen tag.

Source Fulltext: Chartularium Sangallense VII, Nr. 4268, S. 169-170.