Wir Hainrich von gottes gnaden abt des gotzhus ze den Ainsidellen¹ || tůnt kunt vnd vergehent offenlich an disem brief fúr v´ns vnd alle v´nser || nahkomen, daz wir dem edeln herren graf Ffriderichen von Tockenburg² || vnd sinen erben die erberen frowen Adelhaitten Růdolfes sailgen des Knobels tohter Hainrichs Eberhartes sailgen sun, den man nempt der Lenman, elichen wirten vnd allú dú kint, die si ietz hat oder noh gewinnet, wie dú genant sint, geben hant vnd och gebent mit disem brief fúr v´ns vnd alle v´nser nahkomen vmb die dienst vnd gůttait, so er v´ns vnd v´nserm gotzhus ze den Ainsidellen getan hat vnd noh wol^a) tůn mag. Vnd des ze warem vnd offem vrkúnd aller diser ding so henkent wir der obgenant abt Hainrich des obgenanten gotzhus v´nser aigen insigel offenlich an disen brief fúr v´ns vnd alle v´nser nahkomen. Der geben ist ze Liehtenstaig³, do man zalt von gottes gebúrt drúzehenhundert jar vnd dar nah in dem vier vnd fúnftzgosten jar, an sant Marcellen des babstes tag.

Source Fulltext: Chartularium Sangallense VII, Nr. 4341, S. 228.