Wir Karl von gots gnaden Romischer keiser zu allen zeiten merer dez reichs vnd kunig zů Beheim enbieten || den . . burgermeistern, den scheffen, dem rade vnd den burgern gemeinliche der stat zů sente Gallen || vnsern vnd dez heiligen reichs lieben getruwen vnser gnade vnd alles gůt. Wir gebieden uch ernstli||che, daz ir soliche gewonliche stúre, als ir vns von dez richs wegen ierliche schuldich syt zů geben, von di^esem jare alleyne gebet vnd antwertet von vnsern wegen dem edeln Hartmanne dem Meyer^e von Wyndecke² vnserm lieben getruwen, vnd wann^e ir daz gedu^et, so sagen wir uch der stúre von dysem^e jar^e quijt ledig vnd loiß an disem^e bri^eue. Geben zů Nuremberg vnder vnserm cleynen ingesiegel nach Cristus geburte drutzen hundirt jar vnd darna in dem^e funff vnd funfftzigestem jar^e, dez nehesten mitwuchen vor sente Margareten tage, im núnden jar^e vnserer reiche vnd dez keisertůms in dem^e ersten.

Source Fulltext: Chartularium Sangallense VII, Nr. 4409, S. 266.