Karl von gots gnaden Romischer keiser zu allen zeiten merer des reichs vnd kunig || zu Beheim embieten dem burgermeister dem . . rate vnd den . . burgern gemeinlich der stat zu || santh Gallen vnsern vnd des reichs lieben getrewen vnsir huld vnd alles gut. Lieben || getrewen, wan ir vns odr von^a) vnsirn wegen dem, der euch disen gegenwertigen brief antwortet, von ewer stete wegen an der summen aynleftusent newnhundert vnd driczenthalbes guldeins, mit den ir vnd andir des reichs stete noch vnsir keiserliche cronunge zu Rome vns geeret habt, czweihundirt guldein guter von golde vnd von gewichte gebet vnd genczlich verrichtet vnd beczalet, so sagen wir euch der selben czweihundert guidein quit ledig vnd los. Mit vrkund dicz briues versiglt mit vnserm ingsigl. Der geben ist zu Nuremberg noch Crists geburt driczenhundert jar, dornoch in dem fumf vnd fumfczigsten jar, an santh Andres tag, vnser reiche in dem czehenden jar vnd des keisirtums in dem ersten.

Source Fulltext: Chartularium Sangallense VII, Nr. 4425, S. 278.