Allen, die disen brief sehent oder ho^erent lesen, kúnd ich Ru^od. Brun ritter burgermeister¹ vnd wir der nachgeschriben || rat vnd die zunftmeister der statt Zúrich, das fro Adelheit Fridrichs Sto^eiris v´nsers burgers || elichú wirtin mit des selben ir elichen wirtes vnd rechten vogtes hant vnd fro Elisabeth Grammerin || mit Walther Gupferir erkornen vogtes hant vnd si beid mit gesamnoter hant die fúnf mútt kernen jerlicher gúlt, die si hatten vf der vischentz in den Húrden² vor Rapreswile³, mit allem recht, so dar zů geho^ert, vnd fúnf stuk geltz, die si hatten vf dem zehenden vf dem hof ze Toggwile⁴, mit allem recht, so o^vch dar zů geho^ert, vnd zehen viertel kernen jerlicher gúlt, die si hatten vf dem var, do man von Rapreswile ze den Húrden v´ber vert, mit allem recht, so o^vch dar zů geho^ert, recht vnd redlich ze ko^vffen geben hant Ru^od. dem Keller burger ze Rapreswile vnd fron Annen siner elichen wirtin inen beiden vnuerscheidenlich vmb drú vnd fúnfzig pfunt gewonlicher Zúricher pfenning, des selben geltz die vorgenanten fro^vwen beid nach ir vnd ir vo^egten vergicht gar vnd gentzlich von inen gewert sint. Es hant o^vch die vorgenanten fro Adelheit Sto^eirin vnd fro Elsbeth Grammer si beid mit gesamnoter hant vnd mit der obgenanten ir vo^egten hant fúr sich vnd ir erben mit gůten trúwen glopt, des vorgeschriben kernen geltz vf den egeseiten gu^etern mit allem recht, so dar zů geho^ert, wer ze sinne nach recht der vorgenanten Ru^od. Kellers vnd fron Annen siner elichen wirtin ir beider vnuerscheidenlich, das eigen ist fúr eigen, dz erb ist fúr erb vnd das lechen ist fúr lechen, vor geistlichen vnd vor weltlichen gerichten vnd mit namen an allen stetten, wo si des notdúrftig sin, an all geuerd. Sich hant o^vch die vorgenanten fro^vwen beid mit gesamnoter hant vnd mit der egenanten ir vo^egten^a) hant gar vnd gentzlich entzigen alles rechten vordrung vnd ansprach, so si oder ir erben nach dem egeseiten kernengelt vf den vorgeschriben gu^etern mit allem recht, so dar zů geho^ert, dekein wise iemer gewinnen mo^echten gen dem vorgenanten Ru^od. Keller vnd gen fron Annen siner elichen wirtin oder gen ir erben, an all geuerd. Her v´ber ze einem offenn vrkúnd, won wir dis horten vnd Sachen, so han wir v´nser statt insigel offenlich geheinket an disen brief. Der geben ist an dem nechsten donrstag vor aller heilgen tag, do man zalt von gottes gebúrt drúzehen hundert vnd fúnfzig jar, dar nach in dem fúnften jar. V´nser des rates namen sint her Johs. von Hottingen⁵, her Go^etfrid Múlner, her Eberhart Brun, her V^olr. Brun rittere, V^olr. Maness, Ru^od. Múlner, Johs. Krieg, V^olr. Krieg, V^olr. Swend, Ru^od. Herdiner, Ru^od. Meijer, Berchtolt Hentscher vnd Heinr. Tru^eber. Der zúnftmeister namen sint Berchtolt Vnghu^er, Berchtolt Mertz, Chůnr. Gloggner, Johs. Erisho^vbt, Jacob Glenter, Johs. Freislich, Chůnr. Bu^erwalt, Johs. Ganser, Symon Binder, V^olr. von Beche⁶, Ru^od. Graf, Hartman Sangli vnd Chůnr. Verwer.

Source Fulltext: Chartularium Sangallense VII, Nr. 4421, S. 274-275.