Ich Hainrich der Lind stattamman ze Costentz¹ tůn kunt allen, die disen brief ansehent || oder ho^erent lesen, daz her Hainrich der probst von sant Johanne in dem Turtal² fúr || mich kam fúr geriht vnd klegt mit fúrsprechen ze Bertolten Eberhartz von Wil³, ze || Johansen Magelspergen, ze fro Adelhaiten der Schmidinen, ze fro Ma^ehthilten im Wiggerhus vnd ze Cv^onraten der Barfůssen kneht⁴, vnd sprach, si hortint von dem libe an sant Johansen gotzhus in dem Turtal, vnd bat gerihtz ze inen vmb dienst. Des warent sú vnlogenba^er vnd dienotant och da vor geriht dem vorgenanten probst als iro aigen herren ir iegliches mit zwain ha^entschůhen nach der stat ze Costentz gewonhait vnd reht, als inen mit gesamnoter vrtail ertailt wart. Vnd des ze vrkúnd gib ich der vorgenant amman min insigel an disen brief. Der ist ze Costentz geben, do man von Cristes gebúrt zalte drúzehenhundert jar, dar nach in dem siben vnd fúnffzigosten jar, an v´nser frowen abent ze mittem o^vgsten.

Source Fulltext: Chartularium Sangallense VII, Nr. 4497, S. 347-348.