Wir Premsel herzog von Teschin¹ sazzen ze geriht ze der Igelaw² an vnsers || herren stat des Ro^emischen keiser Karls vnd kungs ze Beheim vnd enbieten dem Meir || von Windegge vogt ze sant Gallen³ vnsern gruzz vnd alles gut. Wir gebieten iv´ von || gerihts wegen vnd von vnsers egenanten herren gewalt des keisers, das ir an widerred anleitent hern Rudolffen von der Wart⁴ vf des burgermeisters des ra^ets vnd vf der burger gut gemeinlichen der stat ze Zúrich vmb zwelfhundert march silbers minner oder mer vf alles ir gut eygen vnd lehen varents vnd ligents besuht vnd vnbesuht, wa ir sin bewizt werdent, wan er es vf si erclagt hat, als reht ist. Ir sult in auch anleiten vf den selben guten mit dem rehten dry tag vnd sehs wochen den guten an schaden. Tetent ir des niht, man riht darumb zu iv´, als reht wer. Des ze vrkund geben wir im mit vrteil disen brief versigelt mit des hofgerihts insigel. Dat. anno domini M°.CCC°. LVII°. sabato post Jacobi.

Source Fulltext: Chartularium Sangallense VII, Nr. 4495, S. 346.