Allen den, die disen brief sehent lesent oder ho^erent lesen, kúnden wir Adelhait von Sultzberg¹ wilunt herr V^olrichs || von Sunnenberg elichú wirtinne vnd Růdolf von Sunnenberg² ir êlicher sun vnd veriehen des offen||lich an disem brief, das Cristan Vinkenbach burger ze sant Gallen alles daz lipding, so er biz her || an disen tag, als dirre brief geben ist, vmb den spital vnd des spitales phleger ze sant Gallen³ geko^vft hat, daz er daz mit vnserm gůten willen verhengd vnd erlo^vben getan hat, vnd darumb so haben wir gelopt mit vnsren trúwen an aines rechten aides stat, daz wir den selben Cristan Vinkenbach noch den spital noch des spitales phleger ze sant Gallen von dez vorgeschriben lipdinges vnd ko^vffes wegen niemer mu^egen noch angesprechen sont mit gaistlichem noch mit weltlichem gericht noch an reht. Vnd dez ze ainem offen vrchúnd vnd gantzer sicherhait der vorgeschriben dinge so haben wir vnsrú insigel gehenkt an disen brief. Der geben wart ze sant Gallen an dem na^ehsten zingstag vor dem hailgen tag ze phingsten in dem jar, do man zalt von gottes gebúrt drúzehenhundert jar, fúnfzig jar vnd darnach in dem sibenden jar.

Source Fulltext: Chartularium Sangallense VII, Nr. 4481, S. 334-335.