Wir die . . Chorherren vnd das . . capitel gemainlich des gotzhuses ze sant Steffan ze Chostentz¹, Johans || vnd Hainrich von Staina² gebrůder kúnden vnd veriehen des offenlichen mit disem brief, das wir || ainwelleclichen vnd mit gůter vorbetrahtung alle sto^ezze misshelli krieg vnd ansprach, die wir wider || vnd zů ain andren von der vogthye wegen ze Harpreswile³ ietz lange zit gehaben hant, baidenthalb vnd ze baiden siten vff den erwirdigen in gotte hern V^olrichen von Fridingen⁴ probst des vorgenanten gotzhuses ze sant Steffan ze Costentz vnd den edeln wolerbornen hern Petern herren ze Hewen⁵ gesetzzet habin, vnd setzzin die selben sto^esse misshelli chrieg vnd ansprache luterlichen vff si mit disem brief, mit dem gedinge vnd mit so^elicher beschaidenhait, was si baide dar vmb sprechent vnd vssagent oder noch hernach, ob wir sto^essig mit ain ander von der sach wegen wurdint, vssprechin vnd vssaitin, das wir das baidenthalb vnd ze baiden siten bi vnd vff die trúwen, die wir inen dar vmb an geswornes aides stat geben habin, eweclichen sta^et súlin haben vnd da wider niemer weder mit geriht noch ane geriht hainlichen noch offenlichen komen tůn noch werben. Vnd des ze ainem offenn vrchúnd der warhait hant wir das vorbeschaiden capitel ze sant Steffan ze Costentz vnd wir die vorgenanten gebrůder von Staina v´nsrú aignú insigel fúr v´ns selb fúr alle v´nser nachkomen vnd erben gehenket an disen brief. Der geben ist ze Costentz, do man zalt von gottes gebúrt drútzehenhundert jar, dar nach in dem a^eht vnd fúnfzigosten jar, an dem na^ehsten cinstag nach vsga^ender osterwochen.

Source Fulltext: Chartularium Sangallense VII, Nr. 4536, S. 377-378.