Dem erwirdigen minem gna^edigen herren abt Herman dez gotzhus ze sant Gallen¹ enb(iet) ich Gerhart der Payer burger ze || Costentz minen willigen dienst vnd sende v´ch vff an v´wer hant bi V^olrich Magelsperg burger ze sant Gallen vnd mit disem || brief den zehenden ze Albrehtswile², die schůpûss ze Nideren Búrren³, daz gu^etli ze Mutwile⁴ vnd daz gu^etli ze Búrwald⁵, dv´ || ich von v´ch vnd v´wererm gotzhus ze lehen hatt, darab ze rehtem lipdinge gat swester Margreten vnd swester Elisabethen von Husen⁶ geswesteran vnd Kristinen ir brůders tohter, die ze Magnow⁷ in dem kloster sint, vnd Adelhaiten von Husen drv´zehen malter baider korn Zeller messe⁸. Vnd bit v´wer gnade, daz ir daz selb lehen minv´ reht, dv´ ich daran hab, lihent Bertolt Eberhartz von Wile⁹ burger ze Costentz. Vnd des ze warem vrkv´nd send ich v´ch darv´ber disen brief mit minem aigen insigel besigelten. Der ist ze Costentz geben, do man von Cristes gebúrt zalt drv´zehenhvndert jar, darnach in dem a^eht vnd ffv´nfzigosten jar, an dem zwelften abend ze wihennehten.

Source Fulltext: Chartularium Sangallense VII, Nr. 4517, S. 363-364.