Allen, die disen brief an sehent alder ho^erent lesen, kv´nd ich Albrech^a) von Clingenberg¹ gesessen vf der Hohen Tuwiel² vnd vergich das offen||lich mit disem brief, das ich mit gůter vorbetrachtvng vnd mit rat recht vnd redelich ze koffent geben hab Hainrichen, Laurenzen, Annvn, || Elisabethen, Englvn vnd Margareten, V^olrichs des Wissen kinden von Stain³, die er hett wilunt bi frow Annvn sa^eligen, frow Elizabethen || Cůntzinun tochter, siner elichen wirtenne, vnd o^vch allen iren . . erben vnd nachkomenne, ob sú enwa^erint, die hůbe gelegen ze Schuphan⁴, dú lehen ist von dem hertzogen von O^esterich, vnd die alten hůbe ze Schuphan, die da bi gelegen ist, die zinslehen ist von dem gotzhus ze sant Gallen, mit húsern mit ho^euen mit hofraitinan mit akker mit wisan mit holtz mit velde mit wasen mit zwi mit wunn mit waid mit wasser mit wasserlaiti mit weg mit steg mit gesůchtem vnd vngesůchtem mit allen nútzen rechten gewonhaiten^b) mit aller ehafti vnd o^vch mit aller zů geho^erde, so zů den selben hůban kainen weg horet ald geho^eren mag, als sú an mich komen vnd bracht sint vnd als ich si inne gehebt vnd genossen hab vntz vff den tag, als dirre brief geben ist, in gantzer vnd mit gantzer gewer, vmb sechzig pfvnd pfenning gůter vnd gena^emer Costentzer múns, der ich gar vnd gantzlichen von inen gewert vnd bericht bin vnd si in minen redelichen nutz vnd o^vch mines brůders Johansen komen vnd bewent hab, also vnd mit dem geding vnd mit der beschaidenhait, das die obgenanten kind ald ir . . erben vnd nachkomen, ob sú enwa^erint, vnd o^vch alle, die die obgenanten alten hůb iemer me inne hand ald niessent, von der selben alten hůb ia^erlichen ze sant Martis tag in den nidern kelnhof ze Stamhain⁵ geben vnd o^vch richten sond sechs viertal kernen vnd drig mut roggen Diessenhouer⁶ mes vnd zehen schilling Costentzer pfenning. Ich der vorgenant Albrech^a) von Clingenberg hab mich der obgenanten hůben baider mit aller ehafti vnd mit aller zů geho^erd, als vorgescriben stat, willenklich gar vnd gantzlichen entzigen vnd vff geben mit miner hand an aller obgenanter kind hend vnd hab inen vnd ir . . erben vnd nachkomenne, ob sú enwa^erint, die selben hůben gevertigot, als recht vnd gewonlichen ist, das lehen nach lehens recht, das zinslehen nach zinslehens recht, ich vergich o^vch offenlich mit disem brief, das ich des obgenanten ko^vff recht wer sin sol nach recht fúr Johansen von Clingenberg minen elichen brůder also vnd mit der geding, wanne der selb Johans min brůder zu sinen tagen kume, das er sich danne der vorgenanten hůben baider mit aller ehafti vnd mit aller zů geho^erde, als vorgescriben stat, gar vnd gantzlichen entzihe vnd vff gebe an der vorgenanter kind hend ald ir . . erben vnd nachkomen, ob sú enwa^erint, vnd o^vch inen vertigeg^a) in aller wis, als ich sú inen geuertigot han, wa^er o^vch, das dv´ selben gu^eter ieman an spra^ech fúr aigen ald fúr lehen ald mit kainer anderr ansprach, des sol ich ald mir^a) . . erben vnd nachkomen, ob ich enwa^er, si vnd ir erben vnd nachkomen verstan vnd versprechen vnd des ir recht wer sin gen ma^enlichem nach recht a^vne geua^erd, wa vnd wie es inen notdúrftig ist. Vnd ze ainem waren vnd offnen vrkúnd vnd sta^eter vnd ewiger sicherhait aller dirre vorgescribenen ding gib ich der vorgenant Albrecht von Clingenberg gesessen vf der Hohen Tuwiel den vorgenanten kinden allen vnd iren . . erben vnd nachkomenne, ob sú enwa^erint, darv´ber disen brief mit minem aigen insigel besigelten. Dis beschach vnd ward dirre brief geben ze Diessenhouen, do man von Cristes gebúrt zalt drúzehenhundert vnd fvnfzig jar, darnach in dem achtenden jare, an dem nachsten samstag vor v´ns^a) frowen tag ze der liehtmis.

Source Fulltext: Chartularium Sangallense VII, Nr. 4523, S. 369-370.