Ich Egbrecht von Rosenberg¹ ritter tůn kunt mit disem brief, als die wisen beschaiden lúte || der schulthais der rat vnd die bürgere gemainlich ze Winterthur² mich vnd minú kint ze burgern hant || genomen vnd v´ns anstande kriege vsse gelazzen hant nah ir stat reht vnd gewonhait, daz o^vch ich || da gesworn han ainen gelerten ait ze den hailigen, die wile vnd wir ir burgere sint vnd inen daz burgreht nit vfgeben haben, ir statt nutz vnd ere^a) vnd ir schaden ze wendenne vnd si vnd ir herschaft vor schaden ze gomenne, als verre wir mugen, vnd si ze warnenne, ob wir iht verne^amin, daz in schedlich were, wo wir kunnen, vnd in mit allen sachen getrúlich bizesinne ane geuerde, vnd son inen o^vch mit v´nsern vestinen warten vnd dienen vnuerzogenlich vnd in da mit geraten vnd beholfen sin, als dikke si went oder si des bedurfen ald in not beschiht, ane alle geuerde, vnd son ich noch minú kint da wider nit sin, alle die wile vnd wir in daz burgreht nit vfgeben haben, won wir darzů we^ag hant, wenne wir went, daz wir in daz wol vfgeben mugen. Vnd des ze vrkúnd vnd sicherhait hab ich min insigel gehenkt an disen brief. Der geben wart des ersten tags o^vgsten nah Kristi geburt drúzehenhundert iar vnd im núnden vnd fúnfzigesten iare.

Source Fulltext: Chartularium Sangallense VII, Nr. 4621, S. 456.