Wir graf Friderrich von Tockenburch graf in Bretingo^ewe¹ vnd ze || Thafaus² vergehent offenlichen an disem brief fu^er vns vnd fu^er alle vnser erben || allen den, die in sehent^a) ho^erent lesent, daz wir mit gůter vorbetrah||tigung willen vnd gunst haben geben vnd geben och mit disem gegenwertigem brief den erwirdigen herren abt Johans vnd dem cappitel gemeinlich des closters ze sant Johans sant Benedicten ordens in Costentzer bystum gelegen alliv div kint halbiu, div Chunrat ab der Egge, der v´nser eygen ist, ietz hat ald noch gewinnet mit Adelheyten dez Spehten tohter, diu des obgenanten gotzhuses ze sant Johans eygen ist, also daz wir noch enhein vnser erbe daz obgeschrieben gotzhuse ze sant Johan an den selben halbteil vnd an dem selben iren halbteyl^b) der kinde nu^et sumen sullen mit geriht geystlichen noch mit weltlichen noch mit enheinen sachen. Vnd dez ze vrku^ende geben wir graf Friderich von Tockenburch fu^er vns vnd fu^er vnser erben den vorgeschrieben erwirdigen herren dem abt vnd dem couent ze sant Johan disen brief versigelten mit vnserm eygen insigel, daz dar an hanget. Der geben ist ze Liehtensteig nach Cristes gebu^ert drivzehen hundert jar, in dem sehzigstem jar, an sant Scolatiken^b) tag der heyligen megde.

Source Fulltext: Chartularium Sangallense VII, Nr. 4665, S. 488-489.