Wir Karl etc. bekennen etc., daz wir an gesehen haben stiete getrewe dienst, die vns vnd dem reich Heinrich Walter vnd Ebirhart von Sulczperg gebruder vnd Herman vnd Hans auch von Sulczperg oft getrewechch getan haben vnd furbaz tun willen vnd mugen in kumpftigen czeiten, vnd haben yn vnd iren erben den^a) hof Tal genant vnd daz kirchlehen doselbest, die in von vnsern foruarn an dem reich vorpfendet vnd vorseezet sein¹, vnd ouch waz sie anders doselbest pfandesschaft von dem reich haben, von vnsern sunderlichen gnaden vnd mit keiserlichen macht zu rechter pfantschaft bestetiget vnd bestetigen ouch mit diesem briefe. Mit vrkund etc. Datum in Weyl² anno LX^o, feria V^a. proxima post Maur(icii), regnorum ut supra. Per dominum cancellarium Jo. Eystetensis³.

Source Fulltext: Chartularium Sangallense VII, Nr. 4702, S. 517.