Wir Fridrich von gottes verhengde abt vnd der conuent gemainlich dez gotzhûs ze Stain¹ sant || Benedicten ordens in Costentzer bistûm veriehen vnd tu^en kunt mit disem gegenwúrtigen brieue fúr v´ns || vnd fúr alle v´nser nachkomen allen, die in ansehent lesent oder ho^erent lesen, daz wir mit gůter vorbe||trahtung vnd mit wîsem rât, darumb daz ez v´ns vnd v´nserm gotzhus besser ist getân dann vermitten, ainmu^etklich den beschaidenn kneht Cůnrat den Krâmer burger ze Stain, der v´nser vnd v´nsers gotzhûs reht aigen was, mit lîp mit gůt mit allen rehten nútzzen vnd gewonhaiten vnd mit aller zů geho^erde reht vnd redlich geben haben vnd geben mit disem brieue ze rehtem aigen den erwirdigen herren von gottes gnâden abt Herman vnd dem conuent gemainlich dez gotzhus ze sant Gallen² vnd dem selben gotzhus ze ainem rehten wechsel vmb Ma^ehthilten Johansen dez Sennen von Tegerschon³ o^vch burger ze Stain elichen tohter, vnd haben den vorgenemten abt Herman vnd dem conuent gemainlich den vorgenemten Cůnrat den Kramer v^f geben vnd ze iren vnd dez gotzhus ze sant Gallen handen geuertgot, als reht sitte vnd gewonlich was, vnd darumb so haben wir v´ns alle gemainlich vnd ieklicher sunderlich verzigen vnd verzihen v´ns mit disem brieue fúr v´ns vnd fúr alle v´nser nâchkomen gen dem vorgenemten abt Herman, gen dem conuent gemainlich, gen allen iren nâchkomen vnd gen dem gotzhûs ze sant Gallen aller aigenschaft, aller manschaft, aller lehenschaft, alles rehten gaistlichs vnd weltlichs gerihtes, aller vordrung vnd ansprâch, so wir von v´nsern vnd von v´nsers conuentes wegen an dem vorgenemten Cůnrat dem Kramer hatten oder hernach iemer gewinnen mo^ehtin von reht vnd von gewonhait oder von dehainen andern sachen. Wir haben o^vch fúr v´ns vnd fúr alle v´nser nâchkomen gelobt, dez vorgenemten Cůnrat dez Kramers wer ze sinne fúr reht aigen gen ma^enlichem vff gaistlichem vnd vff weltlichem geriht vnd an allen stetten, wa vnd wenn sin der vorgenemt abt Herman vnd der conuent ald ir nachkomen vnd daz vorbenemt gotzhus ze sant Gallen bedurffent ald darumb vf getriben ald an gesprochen werdent, ân geua^erde. Vnd dez ze ainer wârhait henken wir abt Fridrich vnd der conuent gemainlich v´nser vnd v´nsers conuentes insigel an disen brief. Der geben ist ze Stain, an dem na^ehsten donstag nach sant Angnesen tag, in dem jâr, do man zalt von gottes gebúrt drúzehenhundert jâr vnd darnach in dem sehzigosten jâre.

Source Fulltext: Chartularium Sangallense VII, Nr. 4661, S. 485-486.