Wir Geori von gottes gnâden abt des gotzhus ze sant Gallen¹ veriehen vnd tu^en kunt || mit disem brief allen, die in ansehent lesent oder ho^erent lesen, das wir gelobt haben || mit v´nser trúw in aides wis, das wir v´nser stat vnd v´nser burger ze Wil² an stúr || súllent lassen beliben dú jarzil vs, als die brief³ bewisent, die sú darumb hant von v´nserm herren abt Herman sa^eligen⁴ vnd von dem cappittel gemainlich des gotzhus ze sant Gallen. Vnd ze offenem waren vrkúnd vnd sta^eten sicherhait aller diser vorgeschriben ding henken wir abt Geori da vorgenemt v´nser insigel an disen brief. Der geben ist ze Wil in v´nser vorgeschriben stat, in dem jar, do man zalt von gottes gebúrt drúzehenhundert jar vnd darnach in dem sechzigosten jar, an dem na^ehsten fritag vor sant Andres tag des zwelfbotten.

Source Fulltext: Chartularium Sangallense VII, Nr. 4711, S. 522-523.