Wir Karl von gottes gnaden Ro^emscher keyser ze allen ziten merer des rychs vnd kúng ze Beheim¹ embieten dem burgermeister . . dem rat vnd dien burgern gemeinlich der statt ze Pfullendorf² vnsern vnd des richs lieben getrúwen v´nser gnad vnd alles gůt. Vmb die buntnuss, als v´nser vnd des heiigen richs lieben getrúwen die burgermeister die ra^et vnd burger gemeinlich der stett ze Costentz, Zúrich, sant Gallen, Lindo^vw³, Rafenspurg⁴, V´berlingen⁵, Bůchorn⁶ vnd Wangen⁷ mit enander getan habent⁸, dar inn etlich stuk begriffen, dar vmb si vmb hilf ze disen ziten nicht gemanen mugen noch enander behulffen sin, es wer dann, dz die manung von vnser vnd des heiigen richs wegen beschech, dar vmb manen wir v´wer trúw, da mit ir v´ns vnd dem rich verbunden sint, vnd gebieten v´ch o^vch ernstlich vnd vesteklichen bi v´nsern vnd des richs hulden, wenn vnd als offt es ze schulden kumt, dz die vorgen(anten) stett all gemeinlich oder ir einú besunder oder mer manung an v´ch vordernt, dz ir dann die manung vnuerzogenlich tůn súlent von v´nser vnd des richs wegen, vnd meinen vnd wellen o^vch, dz ir dz ietzunt verheissent vnd v´wer brief⁹ dar vmb geben súlent, wie die vorgen(anten) stett dunket, dz si sicher vnd in notdúrftig sij an geuerd. Mitt v´kúnd dis briefs et c. Dat. feria V^a. post letare, LXII°.

Source Fulltext: Chartularium Sangallense VIII, Nr. 4800, S. 22.