Wir Karl von gots gnaden Romischer keiser ze allen tzeiten merer des reichs vnd kunig ze Beheim⁵ bekennen vnd || tun kunt offenlich mit diesem briefe allen den, die yn sehen odir horen lesen, vmbe die buntnitz, so vnsir vnd || des heiligen reichs lieben getruwen von Costentz von Zurich sant Gallen Lindow⁶ Rauenspurg⁷ Vberlingen⁸ Bn||chern⁹ vnd von Wangen¹⁰ mit eynander vfgenomen vnd gemacht hant, die weren vnd besten sol, die wil wir leben vnd tzwei jar die nechsten nach vnserm tode, als die briefe¹¹ wol weisent, die sie vmbe dieselben buntnitz vnder eynander geben hant, vnd wann sie dieselben buntnitz von vnsers heizzens vnd gebottes wegen getan habent, dorumb so confirmeren vnd bestetigen wir yn dieselben buntnitz, meinen vnd wollen, daz die bleiben war vnd stete mit allen stucken vnd artikeln, als sie verschrieben ist. Mit vrkunt ditz briefes versiegelt mit vnsir keiserlichen maiestat ingesiegel. Geben zu Laufen¹² nach Cristus geburte drutzenhundert jar, darnach in dem tzwei vnd sechtzigesten jare, an dem nehsten donerstage nach dem suntag, als man singet Letare, vnser reiche in dem sechtzenden vnd des keisertums in dem sybenden jar.

Source Fulltext: Chartularium Sangallense VIII, Nr. 4799, S. 21.