Den erbern wisen mannen dem burgermaister vnd dem rat der stat ze sant Gallen vnsern getrúwen aidgnossen enb(ieten) wir des richs stett alle gemainlich, die den lantfrid in Swaben haltent, alz wir ietzo ze Vlme¹ vff den na^ehsten mentag vor vnser frowen tag der liehtmisse biainander sien gewesen, vnser willig dienst. Alz v´ch verkúnt ist ze richten von der kost vnd Schadens wegen ze Zwingenberg² vnd ander sach, die an geleit sint hundert phunt vnd ahzig phunt haller, sol v´wer frúntschafft wissen, das dú sach vngeuârlich ist beschehen vnd dz v´wer burger, die ietzo hie ze gegen sint, Hans der Kamber vnd V^olin Hofakrer jwer gewonlich stúre hundert phunt vnd vierzig phunt haller Fritzen dem Têcher aim burger ze Winsperg³ von v´weren wegen verricht vnd bezalt hant. Mit vrkúnd ditz brieffs, dar vff die burger ze Vlme von vnser aller haissen wegen ir hainlichs insigel gedrukt hant. Der geben wart an dem vorgeschriben mentag. Do waren von Cristus geburt drúzehenhundert jar vnd drú vnd sehtzig jar.

Source Fulltext: Chartularium Sangallense VIII, Nr. 4852, S. 66.