Nos Hainricus dei gracia episcopus Constanciensis¹ ad universorum noticiam deducimus per presentes, || quod nos omnibus indulgenciis in litteris venerabilium in Christo dominorum episcoporum fratrum nostrorum in eisdem suis || litteris² per nos sub sigillis ipsorum pendentibus sanis et integris visis et perlectis, quibus eciam hec nostra || littera sigillo nostro episcopali sigillata est transfixa, contentis et per eos concessis ducti pie inte[ncionis]^a) proposito consensum nostrum ordinarium et voluntatem, in quantum de iure possumus et de[bemus]^a), adhibentes Omnibus vere penitentibus et confessis in dictis litteris nostrorum fratrum comp[prehen]sa^a) modo, ut in ipsis exprimitur, peragentibus de omnipotentis dei misericordia et beator[um]^a) Petri et Pauli apostolorum eius auctoritate confisi quadraginta dierum indulgen[ciam]^a) in domino misericorditer elargimur. Datum Constancie anno domini M°.CCC°. se[xa]gesimo^a) tercio, III non. augusti, indic. prima.

Source Fulltext: Chartularium Sangallense VIII, Nr. 4893, S. 97.