Wir herzog Fridrîch von Tekke obrester schenk¹ des gotzhus ze sant Gallen veriehen vnd tu^en kunt mit disem brief allen, die || in ansehent lesent oder ho^erent lesen, als v´ns der erwirdig herre abt Geori von gottes gnâden abt dez gotzhus ze sant Gallen² || begnâdet hat vnd v´ns daz schenkenampt enpfohlen hat vnd v´ns och die stat Oberndorf³, die do^erfer vnd lút vnd gu^eter, || so darzů vnd darin geho^erent, verlihen hat, daz haben wir an gesehen vnd haben willeklich mit bedahtem můt gesworn ainen gelehrten aid ze den hailigen mit vfgehepter hand, dem vorgenemten abt Georien, sinen nâhkomen vnd dem gotzhus ze sant Gallen getrúw vnd hold ze sinn vnd ze tu^en, als ain man sinem herren von sinen lehen billich vnd von recht tůn sol, vnd och von dem schenkenampt vff dem veld vnd in der herberg ze tu^end, was ain schenk von sinem ampt tůn sol vnd als vntz her sitte vnd gewonlich gewesen ist, ân geua^erd. Wir haben v´ns o^vch fúr v´ns vnd fúr alle v´nser erben gen dem vorgenemten abt Georien vnd gen allen sinen nâhkomen des vorgeschriben gotzhus verbunden vnd verbinden v´ns mit gůter vorbetrachtung mit disem brief, daz wir vsser dem selben schenkenampt noch vsser der stat Oberndorf noch vsser den do^erffern noch vsser den lúten vnd gu^etern, die darzů geho^erent, nút tůn súllent noch zů niemans handen in enkain wis bringen súllen dann mit dez vorgenemten abt Georien ald siner nâhkomen hand willen vnd gunst. Vnd daz dis alles war sige vnd sta^et belib, so hieuor an disem brief geschriben stat, so haben wir herzog Fridrich da vorgenemt v´nser insigel gehenkt an disen brief. Der geben ist ze Wil⁴ in der stat, do man zalt von gottes gebúrt drúzehenhundert jar, sehzig jar vnd darnach in dem dritten jare, an dem na^ehsten dontstag nâh mittem mayen.

Source Fulltext: Chartularium Sangallense VIII, Nr. 4875, S. 85.