Wir gra^vue Cůnrat von Fúrstenberg¹ verjehent vnnd tůn kunt mit disem brieff allen, die in ansehent lesen oder ho^erent lesen, dz fúr v´nns koment Bercholt der Ba^echler von Hennow², Mechthilt sin elichi wirtin, Cůnrat, V^olrich, Cristina^a) vnnd Walther sin sún vnnd Adelhaid ir tochter, vnnd sprachen, dz sy mit den beschaiden swo^esteren Katherina von gottes verhenngnust a^eptissinen vnnd mit dem conuent gemainlich des gotzhuß ze Maggenow³ lieplich vnd gu^ettlich gar vnnd ganntzlich bericht wa^erint vmb alle die sto^esß vnnd ansprach wegen, so sy mit inen gehept hannd vnntz vff disen húttigen tag, als dirre brieff geben ist, vnnd sunnderlich von des gůtz wegen gelegen ze Nidrenba^echi⁴, vnnd hannd ouch dar vmb von inen empfangen vnd ingenomen I lib. VI ß. d. Costentzer múntz mit der beschaidenhait, dz sy alli gemainlich vnnd jetlichs sunnderlich geschworn hant amen gelerten^b) ze den hailigen mit vffgehepter hannd, dz sy nach kain ir erben die vorgeschribnen frowen schwo^ester Katherinen nach ir nachkomen nach dz vorgeschriben ir gotzhuß ze Maggenow von des vorgeschriben gůttes wegen ze Nidren Ba^echi nach daran niemerme bekúmbren vfftriben nach ansprechen sonnd weder mit gericht nach on recht nach mit kainen andern sachen. Des ze ainer wa^vrhait henngcken wir gra^vue Cůnrat von Fúrstenberg da vorgenemt vnnser insigel fúr sy, won sy vnnser vogtlútt sind, an disen brieff. Der geben ist ze Schwartzenbach⁵ nach der gepurt Cristi M°CCC° vnnd im LXXX ja^vre, an dem na^echsten ma^entag vor v´nnser frowen tag ze dem ernde.

Source Fulltext: Chartularium Sangallense VIII, Nr. 5056, S. 239-240.