Allen den, die disen brief ansehent lesent oder ho^erent lesen, tůn ich Herman von Landenberg von Griffensê^a)1 ritter kund^b) vergih offenlich mit^c) || disem brief, | daz ich mit gůter vorbetrahtung vnd beschaidenhait von miner redlichen^d) not^e) wegen redlich vnd reht^f) verko^vffet hân die || vogtye ze Rumeshorn² mit | allen rehten nútzen vnd gewonhaiten vnd mit allem dem, so darzů vnd darin geho^eret, die von dem erwirdi||gen minem gna^edigen^g) herren abt | Georien von gottes gnaden^h) abt des gotzhus ze sant Gallen³ vnd vonⁱ⁾ dem selben gotzhus min lehen was, vnd han ze ko^vffenn^k) geben minem vorgenemten herren abt Georien sinen nachkomen vnd dem selben gotzhus ze sant Gallen vmb hundert pfund vierzig pfund vnd fúnf pfund pfenning^l) gůter Costentzer múns, der ich gantzlich von im bin gewert an den stetten, da ich minen fromen mit geschaffet hân, vnd hân o^vch die selben vogtye mit allen rehten minem^m) vorgenemten herren vnd dem gotzhus ze sant Gallen vfgeben, als reht sitte vnd gewonlich was, vnd hanⁿ⁾ mich o^vch der selben vogtye gantzlich vnd gar verzigen vnd verzih mich mit disem brief fúr mich vnd fúr alle min erben gen minem vorgenemten herren abt Georien gen sinen nachkomen vnd gen dem selben gotzhus ze sant Gallen aller aigenschaft aller lehenschaft aller manschaft aller gewer aller kuntschaft aller zúgnust lút vnd brief alles rehten gaistliches vnd weltliches gerihtes aller vordrung vnd ansprach, so ich zů der vorgeschriben vogtye ald dar an hatt ald hernach iemer gewinnen^o) mo^eht von reht von gewonhait oder von dehainen andren sachen^p). Ich hân o^vch willeklich gesworn ainen gelerten aid^q) ze den hailigen mit vfgehepter hand, der vorgeschribnen^r) vogtye vnd des ko^vffes wer ze sind^s) nach dem rehten gen ma^englichem vff gaistlichem vnd vff weltlichem geriht, wa ald wenn oder wie dik sin min vorgenemter herre^l) abt Geori ald^u) sin nachkomen bedurfent vnd notdurftig sint ald darumb von ieman vfgetriben vnd angesprochen werdent, daz ich sú da ân allen iren schaden verstân vnd versprechen sol vnd von der ansprach entrihen vnd ledig machen ân geua^erd. Vnd des ze warem vrkúnd vnd sta^eten sicherhait han ich Herman von Landenberg ritter dauorgenemt min insigel gehenket an disen brief. Der geben ist in der statt^v) ze Wil an dem na^ehsten ma^entag vor sant Margarethen tag in dem jar, do man zalt von gottes gebúrt drúzehenhundert jar, sehzig jar vnd darnach in dem sibenden jar.

Source Fulltext: Chartularium Sangallense VIII, Nr. 5078, S. 256-257.