Allen, die disen brief sehent oder ho^erent lesen, kúnde ich Johans^a) von Sehein¹ vogt ze Baden², das fúr mich kam an der statt, do ich ze Wetzzikon^b)3 an offenner landstrass an des edlen mines gnedigen herren graf Růdolfs^c) von Nydo^vw^d)4 lantvogt miner herschaft von O^esterrich wegen mit vollem gewalt, dar vmb ich sinen offenen brief da zo^vgt, offenlich ze gerichte sas, die fromen vesten hern Herman von Landenberg ritter, Herman von Landenberg, den man nemt pfaff Herman, gebrůdere vnd V^olrich von Landenberg⁵ alle drij von Griffense ir vetter vnd sprachen, si wo^eltin Griffense burg statt vnd den se, Elgoe^vw^e)6 vnd die alten Regensperg⁷ mit lút gúlt vnd gůt, es sije eigen erb pfant oder lechen, wie es alles geheissen oder genemt oder wo es gelegen ist, so zů den vorgenanten vestinen allen drin oder zů iro ieklicher besunder von recht oder von gewonheit geho^eret, vnd dar zů alles ir gůt, das zů den vorgenanten drin vestinen nút geho^eret, beide ligendes vnd varndes, wie es alles geheissen genemt oder wo es gelegen ist, es sije eigen erben pfant oder lechen ald kilchensa^etz, mit aller zů geho^ert, als die anlass brief wisent, die si vnd ir mitgúlten dar vmb gen enander versigelt hant, in Růd.^f) von Landenberg, den man nemt von Werdegg⁸, irs vetters hant ze der fromen wisen jungherr Johans von Tengen⁹, her Walther von der Alten Klingen^g)10, her Albrecht von Bussnang^h)11 rittere, jungherr Lútolt von Arburg¹², alle vier frij herren, hern Egbrechtⁱ⁾ von Goldenberg¹³, her Go^etfrit^k) von Húnaberg¹⁴, hern Friderich^l) von Húnwile^m)15, hern Johans der Giel rittere¹⁶, hern Johans Hofmeister senger der stift des tůms ze Costentz¹⁷, Johans vnd Růdolf von Bo^vnstetten¹⁸ gebrůdere, Peter von Ebersperg¹⁹, Herman von Landenberg, den man nemt von Werdegg²⁰, V^olrich von Aspermuntⁿ⁾²¹ der elter, Růdolf^o) von Goldenberg²², Jacob Hofmeister von Fro^vwenfeld^p)23 vnd Johans von Seon²⁴ burger Zúrich ir mit gúlten wegen vertgen vnd sich der selben gu^eter aller an sin hand enzichen vnd loben wer ze sinne, vnd liessen an recht, wie si das thůn soltin, das es nu vnd hie nach gůt kraft vnd macht haben mo^echt. Dar vmb wart rechtes gefraget vnd wart nach miner frag von erbern lúten an gemeiner vrteil erteilt, was si der vorgenanten ir gu^etern, die eigen werin ald die ir lechen werin von miner herschaft von O^esterrich, mit miner hand an des egenanten Růd.^q) von Werdegg hant ze der egenanten mitgúlten wegen vertgethin vnd sich o^vch dero mit miner hand an sin hand enzigin vnd o^vch lobtin wer ze sinne, vnd aber die andern ir gu^eter, die nicht eigen noch lechen sint von miner herschaft von O^esterrich, das si die vfsenden súlent vnd o^vch vertgen an der lechen herren vnd der gotzhúser handen, dannen die selben gu^eter erb oder lechen sint, das es o^vch alles da mit nu vnd hie nach gůt kraft vnd macht haben solt. Vnd do das erteilt wart, do stůnden die vorbenemten von Landenberg von Griffense alle drij dar vnd vertgeten da ellú die gu^eter, die ir eigen oder lechen sint von miner herschaft von O^esterrich mit miner hand in des obgenanten Růd.^q) von Werdegg hant ze der vorbenemten mit gúlten wegen, als do gericht vnd vrteil gab vnd recht was, vnd enzigen sich o^vch mit miner hand an des obgenanten Růdolfs von Werdegg hant ze der egenanten mitgúlten wegen alles rechten vordrung vnd ansprach, so si oder ir erben ald ieman anders von iro wegen nach den vorgeschribenen vestinen lút gúlt vnd gu^etern allen mit aller zů geho^ert, als vorgeschriben stat, dekeine wise iemer gewinnen oder gehaben mo^echtin gen dem obgenanten Růdolf von Werdegg vnd gen des nachkomen ald gen dien, dien si die selben gu^eter ze ko^vffen gebent oder versetzent, als die anlass brief wissent vnd sagent, mit geistlichen oder mit weltlichen gerichten oder mit dekeinen andern sachen ald ane gericht, ane alle geverd. Es hant o^vch die vorgenanten von Landenberg von Griffense alle drij fúr sich vnd ir erben mit gůten trúwen glopt, der vorgenanten ir vestinen lút gúlt vnd gu^eter vnd pfender aller gemeinlich vnd iro iekliches besunder mit allem recht, so dar zů ho^ert, wer ze sinne nach recht des vorbenemten Růdolfs von Werdegg ze der obgenanten mitgúlten wegen vnd des nachkomen vnd aller der, die disú gu^eter iemer verpfendent oder ko^vffent, als die egenanten anlass brief wisent vnd sagent, ane alle geverd. O^vch hant die vorbenemten von Landenberg von Griffense alle drij vnuerscheidenlich fúr sich vnd ir erben mit gůten trúwen glopt, das si die obgenanten ir lút gúlt und gu^eter ellú, die iro erb oder lechen sint, so si vnuerzogenlichest múgent, vf senden súlent an der gotzhúser vnd lechenherren handen, dannen die selben gu^eter erb oder lechen sint, vnd die da vertgen dem obgenanten Růdolf von Werdegg ze der egenanten mitgúlten wegen, als vorgeschriben stat, ane alle geverd. Vnd do dis alles beschach, als mit gericht vnd mit vrteil erteilt wart, das es nu vnd hie nach gůt kraft vnd macht haben solt, do lies der vorgenant Růdolf von Werdegg ze sin selbes vnd ze der obgenanten mitgúlten wegen an recht, ob im das gericht sinen brief her vmb geben solt. Der wart o^vch im nach miner frag ||
von erbern lúten an gemeiner vrteil erteilt, vnd das die vorgenanten von Landenberg von Griffense irú insigel zů des gerichtes insigel henken so^eltin an disen brief. Vnd her v´ber ze einem offenn vrkúnd, won dis vor mir beschechen vnd erteilt ist, so han ich min insigel von des gerichtes wegen offenlich gehenkt an disen brief. Wir die egenanten von Landenberg von Griffense alle drij veriechen o^vch alles des, so vor von v´ns geschriben stat, vnd loben es mit gůten trúwen war vnd sta^et ze halten vnd ze volfu^erren. Vnd des ze vrkúnd so hat o^vch v´nser ieklicher sin insigel zů des gerichtes insigel offenlich gehenkt an disen brief. Der geben ist ze Wetzikon an dem nechsten sunnentag vor v´nsers herren vffart tag, do man zalt von gottes gebúrt drúzechen hundert vnd sechzig jar, dar nach in dem núnden jare.

Source Fulltext: Chartularium Sangallense VIII, Nr. 5173, S. 340-342.