Allen den, die disen brief an sa^ehent lesent oder ho^erent lesen, kúnden wir die nachgenemten Diezi der Schůler, Jacob Smidli vnd || Bertolt Cůntz von Brunnadren¹ alle drye kilchmaiger der kilchen ze Helfentswile² vnd vergehin offenlich an disem brief, || das wir mit gůter vorbetrahtung vnd mit dem meren tail der vndertan der kilchen ze Helfentswile willen vnd gunst || redlich vnd reht verko^vffet vnd ze ko^vffen geben habin Hansen dem Bader von Elgo^e3 vnd sinen erben das gůt gelegen ze Bůch⁴, das man nempt des Mugglers gůt, mit allen rehten núzzen vnd gewonhaiten, so von recht vnd von gewonhait vnd mit aller zů geho^erd, so dar zů vnd dar in geho^eret, vmb drú pfund pfenning alles gůter vnd gena^emer Costentzer múns, der selben pfenning wir och von im gar vnd gentzlich sigint gewert vnd in v´nsern redlichen nutz bewendet vnd verkert habin, vnd enzihent v´ns vnd v´nser erben mit disem brief aller reht rechtung vordrung vnd ansprach aller lehenschaft aller kuntschaft aller aigenschaft, so wir ald v´nser erben zů dem vorgeschribnen gůt hie nach iemer gewúnen mo^ehtint mit briefen mit worten mit werchen mit fúnden, die ietz funden sint oder hie nach iemer funden werdent. Wir die vorgenemten Diezi Schůler, Jacob Smidli vnd Bertholt Cůntz habin och gelobt mit v´nsern trúwen, des gůtz reht wern ze sin nach dem rechten. Vnd ze merer sicherhait aller vorgeschribner ding vnd bedingt, won wir die egenemten Diezi Schůler, Jacob Smidli vnd Bertolt Kůntz aigener insigel nút enhabin, so habin wir gebetten Hansen den Homer, das er sin insigel fúr v´ns gehenket hat an disen brief. Ich Johans der Horner vergih offenlich an disern brief, das ich von ernstlicher bett wegen der vorgenemten Diezis des Schůlers, Jacobs Srnidlis, Bertolt des Cůntzen min aigen insigel gehenket han an disen brief mir vnd minen erben vnscha^edlich. Der geben ist ze Wil⁵ in dem jar, do man zalt von gottes gebúrt drúzehenhundert jar, sa^ehtzig, dar nach in dem núnden jar, an dem mentag vor der vffart v´nsers herren.

Source Fulltext: Chartularium Sangallense VIII, Nr. 5174, S. 342-343.