Allen^a) den, die disen brief ansehent lesent oder ho^erent lesen, tůn wir die nachgenemten V^olrich Ritz, Herman Beringer, den man nemmet Landenberg, Jacob vff der Rúti¹, V^olrich Wildenstainer, || Johans Ka^es, Jacob Entzen von Brúlliso^vw², Eberli im Schlatt³ vnd Gerwig Beringer in Gikka¹ kund vnd veriehen offenlich mit disem brief, daz wir V^olrich Beringer, den man || nemmet Landenberg, durch v´nsern gůten willen von siner ernstlicher ba^et wegen von dem erwirdigen v´nserm gna^edigen herren abt Georien von gottes gnâden abt || des gotzhus ze sant Gallen⁴, der in in fangnust gehept hât, vsgewunnen vnd genomen hânt, also als hienach geschriben stât, daz er willeklich vnd vnbetwungenlich mit wolbedahten můt gesworn hât ainen gelerten aid ze den hailigen mit vfgehepter hand, daz er v´nserm vorgenemten herren abt Georien oder sinen nachkomen, ob er enwa^er, geben vnd rihten sol hundert pfund vnd fúnf pfund pfenning gůter Costentzer múns ze dem na^ehsten sant Gallen tag, der nu kumt nach dem tag, als dirre brief geben ist. Er hât o^vch in den selben aid genomen, so er gesworn hât, daz er v´nserm vorgenemten herren abt Georien sinen nachkomen noch dem gotzhus ze sant Gallen sinen lip noch sin gůt nút entfůrren entfro^emden noch flúhtig machen sol noch in enkainen stetten burger werden sol noch sich von dem land nút ziehen sol, wa^er aber, daz er das mit dehainen sachen och in dehainen weg v´ber fůr vnd nút sta^et liessi, so ist er vnd o^vch wir v´nserm vorgenemten herren veruallen vnd gebunden, hundert pfund pfenning der vorgeschriben múns ze geben, wenn er ir nút mer wil enbern. Er sol o^vch bi dem selben aid, so er gesworn hât, v´nserm vorgenemten herren die hundert pfund pfenning der vorgeschriben múns, so er von v´nser aller enstlicher ba^et wegen im Herman Beringer sinem brůder vnd V^olrichen von Huntwille⁵ hofamman ze sant Gallen verlihen hât, o^vch vnuerzogenlich widergeben vff den vorgeschriben sant Gallen tag. Er hât o^vch in den selben aid genomen, so er gesworn hât, was im der vorgenemt V^olrich von Huntwille mit dem rehten anbehept von der vorgeschriben hundert pfund pfenning wegen, so inen v´nser vorgenemter herre verlihen hât, vnd des schaden, so daruf gât, vnd o^vch vmb den schaden, so er genomen vnd gehept hât von des anuallens wegen, so sú an Petern Brising ze Rankwill⁶ getân hânt, oder sin noch ze schaden kumet, wann das beschiht, daz er im dann den selben schaden vnd o^vch hoptgůt vnuerzogenlich geben vnd rihten sol vnd alleklich vnd gar in dauon vnschadhaft machen vnd von allem schaden lo^esen. Er hât o^vch in den selben aid genomen, so er hât gesworn, vmb das gelt, so er von v´nsern landlúten ab irn gu^etern geko^vffet hât, daz er sú alle des selben ko^vffes gantzlich vnd gar ledig vnd lo^vs lassen sol, vnd sol o^vch sin gelt von inen wider nemen ze den tagen, als erber lút, die inen baiden gemain sint, zitlich vnd muglich dunket. Vnd daz v´nser vorgenemter herre abt Geori vnd o^vch V^olrich von Huntwille vnd sin erben diser vorgeschriben stuk ding vnd beding aller, so an disem brief geschriben stânt, dester sicher sient, so sien wir die vorgenemten V^olrich Ritz, Herman Beringer, Jacob vff der Rúti, V^olrich Wildenstainer, Johans Ka^es, Jacob Entzen sun, Eberli im Schlatt vnd Gerwig Beringer alle hierumb hinder den selben V^olrich Beringer gangen vnd gemainlich vnd vnuerschaidenlich hierumb sin búrgen worden. Also bescha^eh, daz er diser vorgeschriben stuk ding vnd beding, so an disem brief von im geschriben stânt, dehaines v´berfůr vnd nút sta^et liessi noch hielti gen v´nserm vorgenemten herren abt Georien noch gen dem selben V^olrichen von Huntwille noch gen sinen erben, so haben wir alle gesworn ainen gelerten aid ze den hailigen mit vfgehepter hand v´nser ieglicher besunder, wie sú dann des ald dauon ze dehainem schaden koment oder komen sint, daz wir sú dauon ân allen iren schaden lo^esen vnd ledig machen sont, vnd haben v´nserm vorgenemten herren vnd o^vch V^olrichen von Huntwille vnd sinen erben vmb hoptgůt vnd vmb schaden erlo^vbet bi dem aid, so wir gesworn haben, a^ellú v´nsri ligendi vnd varendi gu^eter in dem land ze Appacell⁷ vnd dauor ald in den stetten v´ns daran ze no^etenn ze pfendenn vnd an ze griffenn mit geriht vnd ân reht, als vil vnd als lang vntz das sú hoptgůtz vnd schaden gantzlich werdent gewert, vnd sol o^vch v´ns noch v´nser gůt hieuor nút schirmen noch gůt sin enkain burgreht noch enkain sach noch fúrzug, vnd wie sú ald ir helfer des ald dauon ze schaden koment, von dem schaden sont wir sú o^vch gantzlich lo^esen vnd vnschadhaft machen. Wir haben o^vch v´ns selber behalten, bescha^eh, dauor got sie, daz der vorgenemt V^olrich Beringer v´nserm vorgenemten herren dehaines weges flúhtig wurd oder daz er burger wurd, alz vor ist geschriben, vnd wir v´nserm vorgenemten herren die hundert pfund pfenning vellig wurdin vnd gebunden ze geben, wann wir in dann v´nserm vorgenemten herren wider geantwurt haben gen Wil⁸ in dú band, da er vormals inne gewesen ist, vnd v´nsern vorgenemten herren dunket, daz er sin sicher sie, daz wir dann von v´nserm vorgenemten herren abt Georien vnd von sinen nachkomen vmb die selben hundert pfund pfenning der vorgeschriben múns ledig sien vnd los. Vnd ze offenem waren vrkúnd vnd sta^eten sicherhait aller diser vorgeschriben ding vnd beding haben wir gebetten den fromen V^olrich Ha^echen⁹ amman ze Appacell, daz er sin insigel fúr v´ns gehenket hat an disen brief, won wir aigner insigel nút enhaben. Darnach vergih ich V^olrich Ha^ech amman dauor genemt ain gantz warhait aller diser vorgeschriben ding, vnd ze merer sicherhait der selben ding so hân ich von ernstlicher be^at wegen der vorgenemten V^olrichs Ritzen, Hermans Beringers, Jakobs^b) vff der Rúti, V^olrichs^c) Wildenstainers, Johans Ka^esen, Jacobs Entzen, Eberlis im Schlatt vnd Gerwigs Beringers min insigel fúr sú gehenket an disen brief, won sú aigner insigel nút enhant. Der geben ist ze Appacell an dem na^ehsten donstag nach v´nser fro^vwen tag ze herbst in dem jar, do man zalt von gottes gebúrt drúzehundert jar vnd darnach in dem sibentzigosten jar.

Source Fulltext: Chartularium Sangallense VIII, Nr. 5241, S. 428-430.