Wir Karl von gotes gnadin Romischer keiser czu allen czeiten merer des richs vnd kunig czu Behem embiten den burger||meistern den reten vnd den burgern gemeynlich der stete Lyndaw², Rauensburk³, Gallen, Vberlingen⁴, Buchern⁵, Wangen⁶ || vnsern vnd des richs lieben getruwen vnser gnad vnd alles gůt. Lieben getruwen, vmb den lantfrid, alz vns die stet || in nidern Swaben emboten haben, ist vnser meynung vnd wille wol, das ir ouch in den fride czu in tretet, alzo doch, das ir dieselben vorbuntnu^etzze vnd alle sulche sachen alzo ligen lazzet, bis vns got gen Nurnberg gesendet, do wir mit seiner hilfe gar kurczlichen hyn meynen czu komen vnd do mit vnserr fru^ende fursten vnd getruwen rate czu schaffen vnd bestellen beide mit dem fride vnd ouch andern sachen, das vns dem riche den landen vnd u^ech czu fride czu gemach vnd czu nu^etze gůt sein wirdet, doch ist vnser meynung, das ir alle die weil vnd wir nicht enkomen, schedlichen vnd lozen luten vnd andern, wer die weren, die vnfrid machen odir wider uch sein wolden wider recht, widersten sullet. Vnd des czu eynem houbtmanne geben vnd setzen wir uch die weil den edlen Vlr. den eltern grauen czu Helfenstein⁷ vnsern lieben getruwen, dem ir vnd er uch czu fride vnd gemache der lande geholfen vnd geraten sein sullet getruwlich bis an vnser czukunft, alz vorgeschriben stet, alz er uch wol vnderweizen wirdet von vnsern wegen, des ouch ir im glouben sullet in den sachen volkomplich. Geben czu Prage an sand Johans abent des Teufers, vnserr riche in dem viervndczwenczigstem vnd des keisertums in dem sechczenden jare.

Source Fulltext: Chartularium Sangallense VIII, Nr. 5230, S. 418.