Wir^a) abbt Berchtolt ze Salmanswiler¹ ain lerer in go^etlicher kunst dez ordens von Zittêlz^b) gelegen in Costentzer by||stůn kúndent vnd vergehent offenlich mit disem brief allen den, die in lesent oder ho^erent lesen, daz fúr vns kam || hern Růdolf von Staina ritter vnd Haintz von Staina² sin brůder vnd offnotont^c) vor vns, daz sú ains rechten ko^vffes || v´ber ain komen wa^erint mit Johansen Gna^epser von sant Gallen vmb den vndern vnd den obern hof ze Bregenstorf³, dar ab vns vnd vnserm gotzhus ja^erlichs ze rechtem zins ga^vt ain halb phunt wachs, vnd gabent och die selben hern Růdolf vnd Haintz von Staina die selben ho^ef beid mit aller ir zůgeho^erd willeclich vff an vnser hant vnd verzigent sich dar an fúr sich vnd all ir erben vnd nachkomen gen dem obgenanten Johansen Gna^epser vnd gen allen sinen erben vnd nachkomen alles dez rechten aller der vorderung vnd aller der ansprach, so sú dar an hatten ald von kainen dingen iemer gewinnen mo^ehtin von dekainer schlaht geriht alder recht gaistlichs ald weltlichs, vnd batent och vns, daz wir die selben ho^ef lihint dem selben Johansen Gna^epser vmb den selben zins. Der bett haben och wir sú gewert, alz wir durch recht soltent, vnd habint die selben ho^ef mit aller zůgeho^ert von den selben von Staina gebrůdern vff genomen zů vnser hant vnd ha^vnt sú gelúhen vnd lihent och sú mit sicherhait diz briefes dem vorgenanten Johansen Gna^epser vnd allen sinen erben knaben vnd tohtran ze ainem rechten sta^eten erblehen vmb den obgenanten zins in aller der wise, alz sú die die obgenanten von Staina von v´ns ze lehen hattont, also daz der obgenant Johans Gna^epser vnd alle sin erben die^d) selben ho^ef ze Bregenstorf mit wasen mit zwy mit holtz mit veld mit akker mit wisan mit zwingen mit ba^ennen vnd mit allen nútzen vnd gewonhaiten vnd mit allen den rechten, alz sú die obgescriben von Staina gehebt vnd genossen hant vnd an in bracht, also sol och er die selben ho^ef nu hinnan hin haben vnd niessen vmb den selben zins, vnd habint die selben lehenschaft gen im geta^vn vnd vollfu^ert mit allen den worten werken vnd geta^eten, so dar zů hort vnd notdurft waz nach gewonhait vnd nach recht. Vnd dez ze ainem waren vnd offenn vrkúnd vnd sta^eter sicherhait aller dirr selben dinge geben wir vor benempter abbt Berch. dem selben Johansen Gna^epser disen brief mit vnserm aigen insigel besigelt. Der ze Salmanswiler geben ist, do man von ||
Cristus gebúrt zalt drúzehenhundert jar, dar nach in dem ain vnd súbentzigosten jar, an dem na^echsten sunnentag vor sant Vrbans tag.

Source Fulltext: Chartularium Sangallense VIII, Nr. 5273, S. 467-468.