Wir Albr. vnd Leupolt gebru^eder von gots gnaden hertzogen ze O^ester. ze Steyr ze Kernden vnd ze Krayn grafen ze Tyrol³ etc. tu^en kunt, || als hieuor in den ziten, do wi^er die Nidern Marich⁴ bey dem sewe ze Raprechtswile⁵ vnd die ho^efe ze Pheffikon⁶ ze Wolro^vw⁷ ze Freyenwile⁸ || vnd ze Bechche⁹ lozten vmb vi^erhundert markch silbers von Eberharten dem Brvnen von Zv´rich, vnser lieber getrewer Hans von Langenhart¹⁰ || fúr ettliche versezzen zinse vnd die scha^eden, die darvf gegangen waren, geben mu^ezzte von vnsern wegen vf das vorgenant silber fúmfhundert guldin dem egenanten Brvnen, dem die vorgenanten ho^efe vnd die March weren vertziket vnd veruallen worden, ob wi^er si do ze male nicht gentzlich vmb das houbtgůt vnd den schaden von im gelediget hetten, vnd als wi^er dem egenanten Johansen von Langenhart fúr dieselben funfhundert guldin gesetzet hatten fúnftzig guldin gelts vf der obgenanten Nidern Marich, daz wi^er desselben satzes gegunnen haben vnserm getrewen lieben Go^etfriden Múlner von Zúrich¹¹, der von vnsern wegen den vorgenanten Johansen von Langenhart betzalt vnd gerichtet hat der egenanten fumfhundert guldin, als wi^er o^vch darnach vnsern lieben getrewen Egbrechten von Goldemberg vmb dritzehenhundert guldin, die wir im schuldig waren, gewiset hatten vf die vorgenanten ho^efe vnd die Nidern Marich, von den im alle iar ze zinse solten geuallen sin hundert guldin, haben wir ouch zv^e gelicher wise desselben satzes gegvnnen dem vorgenanten Go^etfriden Múller, der ouch die obgenanten dritzehenhundert guldin von vnsern wegen gerichtet vnd betzalt hat dem egenanten von Goldemberg, vnd hat vns ouch wider gegeben die paide satzbriefe, die derselb von Goldemberg vnd der vorgenant Johans von Langenhart v^eber die vorgeschribnen zway stuke von vns gehebt habent, darumb sin wi^er also schuldig vnd sullen gelten dem egenanten Go^etfriden dem Muller achtzehenhundert guldin. Darumb haben wi^er fu^er vns vnd vnser erben im vnd sinen erben gesetzet zv^e einem rechten werenden phande ane allen abschlag der nútze die vorgenanten ho^efe vnd die Nidern March mit allen lúten gerichten vnd gu^etern zinsen zehenden stúren vellen vnd pu^ezzen vogteyen vnd friheiten nútzen vnd rechten vnd mit allen gu^eten vnd alten gewo^vnheiten, die in dheinen weg darzv^e geho^erent, also daz der vorgenant Go^etfrid Muller vnd sine erben alle jar von den egenanten lúten nicht mere ze stúre nemen sullen denne hundert vnd fúmftzig guldin gůter vnd wol gewegner, als lange vntz daz wi^er oder vnser erben die egenanten March vnd ho^efe mit aller der vorgeschribnen zv^ogeho^erunge von inen vmb achtzehenhundert guldinen erledigen vnd erlo^esen, vnd sullen ouch si vns derselben losunge stat tu^en vnd gehorsam sin ane alle i^errung vnd widerrede, wenne wi^er die mit dem egenanten gelte an si vordem vngeuarlich. O^vch sullen alle vnser lúte in der egenanten Nidern March vnd v^of den obgenanten ho^efen vns vnsern erben vnd vnsern lantuo^egten in Êrgo^vw vnd in Thurgo^vw vnd wa wi^er oder vnser lantuogt ez ye mainen vnd schaffen, warten vnd gehorsam sin zv^o allen raisen heruerten getzogen vnd lantwern vnd su^ellen o^vch darumb kost tragen, als ob si vns ledig weren vnd als ander vnser stette vnd empter. Vnd su^ellen mit namen vns ze nutze zv^o eren vnd ze dienste behulfen sin vnsern lieben getrewn den burgern ze Rapretswile denselben vnser statt ze retten ze schi^ermen vnd ze behabenn zv^o vnsern handen mitsampt dem vorgenanten Go^etfriden Mu^eller vnd sinen erben vnd o^vch a^ene si tages vnd nachtes snelliklich vnd vnuertzogenlich mit gantzen trewen, so si pest múgen, als si vns des schuldig vnd gebunden sind, ane alle widerrede vnd geuerde. Wer o^vch, daz dhaines iares an den gu^elten vnd nútzen der egenanten ho^ef vnd der Nidern March von chrieges oder andrer sache wegen so^elicher abganch wu^erde, daz der egenant Go^etfrid vnd sin erben i^ero zinses der vorgeschribnen anderhalbhundert guldiner nicht vo^ellichlich da von gerichten werden mo^echten, was denn abgangs daran wêre, den si chuntlich vnd wizzentlich fúrbringen vnd erberlich gewisen mo^echten, den sullen si o^vch auf demselben sâtze haben in aller der mazze, als si die vorgeschribnen achtzehenhundert guldein dar auf habent, ane alle geverde. Mit vrkund ditz briefs, der geben ist ze Wienn an zinstag vor^a) sand Niclaus tag, nach Christes gepu^erd dreutzehenhundert iar vnd darnach in dem amen vnd sibntzigstem jare.

Source Fulltext: Chartularium Sangallense VIII, Nr. 5302, S. 495-497.