Hainricus dei gracia episcopus Const(anciensis)¹ decano decanatus apud sanctum Gallum nostre dyocesis salutem in domino. Dilectum nobis in Christo Johannem dictum Burgower sacerdotem nobis per venerabilem et religiosum in Christo patrem dominum Georium eadem gracia abbatem monasterii sancti Galli² ordinis sancti Benedicti nostre dyocesis ad perpetuam vicariam ecclesie parrochialis sancti Laurencii³ apud sanctum Gallum dicte dyocesis mense abbatis ipsius monasterii ac ipsi monasterio unite et incorporate vacantem ad presens ex libera resignacione Johannis dicti Rappen ipsius perpetue vicarie ultimi vicarii, cuiusquidem vicarie perpetue seu vicarii presentacio ad eandem ad prefatum dominum abbatem nomine dicti sui monasterii pertinere dinoscitur, ipsum Johannem presentatum de dicta perpetua vicaria et cura animarum subditorum eiusdem auctoritate nostra ordinaria investivimus et presentibus investimus instituentes ipsum Johannem perpetuum vicarium in ipsa vicaria sub prebenda antiqua debita et consueta sibi annis singulis de proventibus ipsius ecclesie sine diminucione qualibet ministranda et assignanda, mandantes tibi in virtute sancte obediencie, quatinus ipsum Johannem in possessionem dicte vicarie et eure animarum subditorum eiusdem iurium et pertinenciarum ipsius ducas et mittas corporalem faciens illius subditos eidem in spiritualibus reverenciam et obedienciam debitas exhibere ipsumque recipias et a tuis fratribus recipi facias in confratrem. Datum in castro nostro Gotliben^a)4 sexto kln. maii, que fuit XXVI. dies mensis aprilis, anno domini M°.^b) CCC^mo. LXX secundo, ind. X^a.

Source Fulltext: Chartularium Sangallense VIII, Nr. 5317, S. 508-509.