Allen^a) den, die disen brief ansehent lesent oder ho^erent lesen, kúnden wir die nâchgenemten Margaretha Cůnratz sa^elgen dez vogtz von Wartensê¹ || wîlunt êlichi tohter Haintzzen von Stainach² êlichi hûsfro^vw vnd Angnesa³ ir êlichi swester Johansen sa^elgen von Stainach⁴ wîlunt êlichi husfro^vw || vnd veriehent offenlich mit disem brieue fúr v´ns vnd fúr alle v´nser erben vnd nâchkomen, daz wir baid gemainlich mit ainberem willen vnd mit gů||ter vorbetrahtung den hof, den man nemmet Waldi⁵, gelegen bi Scho^ennawegen⁶, mit hûs mit hof mit akkern mit wisen mit wasen mit zwi mit holtz mit veld mit wunn mit waiden mit stegen mit wegen mit wasser mit wasserflússen vnd gengen mit allen rehten nútzzen vnd gewonhaiten vnd mit allem dem, so von reht ald von gewonhait zv^o dem selben hof ze Waldi ald darin geho^ert, ez sie genemptz oder vngenemptz, gesůchtz oder vngesůchtz, wissentz oder vnwissentz, redlich vnd reht verko^vft vnd ze ko^vffenn geben habent dem beschaidenn kneht Růdolf dem Niftler von Trogen⁷ vnd sinen erben, ob er enwa^er, vmb hundert phunt vnd vmb fúnfzehen phunt phenning gůter vnd gena^emer Costentzzer múnse, der wir gantzlich vnd gar von im gewert sigent vnd enphangen habent vnd an v´nser baider offenn nutz bewendet, der selb vorgeschriben hof, den man nemmet Waldi, v´nser baider gemain reht lêhen waz von dem êrwirdigen gotzhus ze sant Gallen, dannen wir im o^vch den selben hof, den man nemmet Waldi, mit allen rehten vnd mit aller zv^o geho^erde, alz da vorgeschriben stât an disem brief, reht vnd redlich geuertgot vnd zv^o sinen handen brâht habent, alz reht sitte vnd gewonlich waz vnd alz der brief wol wîset, den er darumb hât von dem êrwirdigen v´nserm gna^edigen herren abt Georien abt dez vorgeschribenen gotzhus ze sant Gallen⁸. Vnd darumb so habent wir v´ns willeklich verzigen vnd verzihent v´ns mit disem brieue gantzlich vnd gar fúr v´ns vnd alle v´nser erben dez vorgeschribenen hofes, den man nemmet Waldi, mit aller zv^o geho^erde aller aigenschaft aller manschaft aller lêhenschaft aller kuntschaft aller gewêr lút vnd brief alles gaistlichen vnd weltlichen rehtes aller vordrung vnd ansprâchen aller reht vnd rehtung, so wir oder v´nser erben, ob wir enwa^erint, an dem zv^o dem vnd von dez vorgeschribenen hofes wegen, den man nemmet Waldi, ie gehept habent ald hie nâch iemer gehaben oder gewinnen mo^ehtint, vnd daz wir noch v´nser erben, ob wir enwa^erint, noch nieman andre an v´nser stat noch von v´nsern wegen den vorgenanten Růdolf Niftler noch dehain sin erben noch nâchkomen von dez vorgeschribenen hofes wegen, den man nemmet Waldi, niemer súllent noch wellent ansprechen v^f triben bekúmberren bekrenken noch in kain wîs beswa^eren weder mit gaistlichem noch mit weltlichem geriht noch ân geriht noch mit enkainer lay ander sache ân alle geua^erde. Wir habent o^vch gelobt mit v´nseren trúwen vnd lobent mit disem brieue fúr v´ns vnd alle v´nser erben, dez vorgeschribenen hofes ze Waldi mit aller zv^o geho^erde vnd dez ko^vffes reht wer ze sinne nâch reht, vnd habent im vnd sinen erben, ob er enwa^er, zv^o v´ns ze mêrer sicherhait ze wern geben Haintzzen von Stainach da vorgenemt miner der obgenanten Margarethen êlichen wirt vnd Johansen Arnolt von sant Gallen den eltern, die hant im baid mit v´ns gelobt mit iren trúwen, dez vorgeschribenen hofes ze Waldi mit aller zv^o geho^erde vnd dez ko^vffes fúr reht lêhen wer ze sinne nâch dez landes reht vnd o^vch den vorgenanten Růdolf Niftler vnd sin erben darumb ze versprechenn vnd ze versta^enne an allen stetten gen aller ma^englichem ân allen iren schaden, wenn wâ vnd wie dik sú darumb an gesprochen geschadgot oder vf getriben werdent. Ta^etin wir daz niht, wie sú danne da von ze schaden ka^emint, von dem schaden súllent wir sú gantzlich lo^esen vnd vnschadhaft machen. Vnd habent wir vnd o^vch die vorgenemten wern im vnd sinen erben, ob er enwa^er, vnd iren helffern darumb vollen gewalt vnd friges vrlob geben, v´ns vnd v´nser erben, ob wir ensint, vnd o^vch die selben búrgen ze phendenn ze no^etenn ze heftenn vnd an ze griffenn an lúten vnd an gůt vff dem land vnd in den stetten mit gaistlichem vnd mit weltlichem geriht vnd ân geriht ân klag vnd ân zorn, wie vnd wâ sú daz getůn mugent, alz vil vnd alz dik, vntz daz sú von der selben ansprâch vnd von dem schaden, in den sú da von ka^emint, vnd o^vch von dem schaden, in den sú vnd iro helffer von dez selben phendenns vnd no^etenns wegen koment, gantzlich vnd gar entrigen erlo^est vnd entschadgot werdent. Wir habent o^vch gelobt, den vorgenemten weren iren schaden gantzlich ab ze tu^enne, in den sú koment von der vorgeschribenen werschaft vnd gelúbt wegen, vnd hant darumb o^vch gewalt, v´ns vnd v´nser erben ze phendenn vnd ze no^etenn an lúten vnd an gůt, wie vnd wâ sú daz getůn mugent, alz vil vnd alz lang, vntz in der schad gantzlich ab gelait vnd vergolten wirt. Vnd ist diz alles beschehen vnd vollefu^ert reht vnd redlich mit allen den worten werken vnd getaten, so nâch gewonhait vnd nâch reht darzů gehortent ald ho^eren soltent vnd nôtdurftig wârent vnd alz ez kraft vnd maht sol vnd mag han. Vnd ze ainem wâren vrkúnde vnd gantzzer sicherhait aller der vorgeschribenen dinge vnd gedinge so habent wir die vorgenemten Margaretha von Stainach vnd Angnesa ir swester fúr v´ns vnd alle v´nser erben v´nserú insigel gehenkt an disen brief. Darnâch veriehent wir die vorgenemten wern Haintz von Stainach vnd Johans Arnolt der elter ainer gantzzer warhait aller der dinge vnd gedinge, so von v´ns an disem brief da vorgeschriben stânt, vnd ze merer sicherhait der selben dinge so habent wir o^vch v´nserú insigel gehenkt an disen brief. Der geben ist ze sant Gallen an dem na^ehsten donstag vor v´nser fro^vwen tag ze der liehtmisse in dem jâr, do von Cristus gebúrt wârent drúzehenhundert jâr, sibenzig jâr vnd darnâch in dem andern jâre.

Source Fulltext: Chartularium Sangallense VIII, Nr. 5306, S. 498-500.