Wir Rippreht Hinder sant Johans¹ burger ze Costentz vnd fro Margareta sin elichi || wirtinne veriehen vnd tu^en kunt mit disem brief allen, die in sehent oder ho^erent lesen, || das v´ns die wisen der burgermaister vnd der rat vnd burger gemainlich der stat ze || sant Gallen der fúnf vnd zwainzig pfunt gůter Italiger haller, die si v´ns schuldig^b) warent vnd genauen vff den na^ehsten vergangenn sant Johans tag des To^vffers von des lipdings wegen, so wir von in haben, gantzlich gewert vnd bezalt hant, darvmb so sagen wir fúr v´ns vnd vnser erben die selben burger von sant Gallen vnd ir erben vnd nachkomen der selben fúnfvndzwainzig pfunt gůter haller gantzlich quit ledig vnd los. Vnd des ze vrkúnd han ich der selb Ripreht min insigel ze ruggen getrukt vff disen brief fúr mich vnd fúr die obgenant(e) Margareten min elichen wirtinnen, vnder das selb insigel ich die selb fro Margaret(a) mich willeklich gebunden han, won ich aigens insigels nit hatt. Dirr brief ist geben an dem na^ehsten zinstag vor sant Oswaltz tag nach Cristus gebúrt drúzehenhundert iâr vnd darnach in dem drú vnd ahtzigosten jare.

Source Fulltext: Chartularium Sangallense X, Nr. 5963, S. 136.