Reverendo in Christo patri ac domino Heinr. dei gracia episcopo Const(anciensi) seu eius in spiritualibus vicario generali Cůno eadem gracia abbas monasterii sancti Galli || ordinis sancti Benedicti sedi appostolice inmediate subiecti vestre Const(anciensis) dyocesis, quidquit poterit reverencie et honoris. Cum discreti viri V^olr. dictus Nekker presbiter || rector ecclesie parrochialis in Wasserburg et Johannes Cocus presbiter prebendarius altaris sive cappelle sancti Johannis Baptiste monasterio sancti Galli ann||exe dicte Const(anciensis) dyocesis, cuius quidem ecclesie collatio seu presentatio ad nos nostri monasterii nomine pleno iure dinoscitur pertinere, eadem sua beneficia ex causis racionabilibus permutare desiderent et affectent et ob hoc nobis humiliter supplicarint, ut eidem permutationi consensum nostrum benivolum et expressum adhibere dignaremur, nos ipsas causas racionabiles attendentes et supplicationibus ipsorum permutare volencium annuentes eidem permutationi fiende consensum nostrum benivolum et expressum adhibuimus et presentibus adhibemus, paternitatis vestre tenorem supplicantes, quatenus dictam permutationem perficere et permutantes predictos auctoritate vestra ordinaria canonice transferre et alia circa premissa necessaria facere dignemini seu oportuna, adhibitis in premissis verborum et gestium sollempnitatibus debitis et conswetis. Datum apud sanctum Gallum sub sigillo nostro abbatiali presentibus appenso in testimonium omnium premissorum anno a nativitate domini millesimo trecentesimo LXXX^mo tercio, IIII kln. novembris, indicione sexta.

Source Fulltext: Chartularium Sangallense X, Nr. 5975, S. 147.