Dem erwirdigen minem gnedigen herren hern Chůn abt des gotzhus ze sant Gallen¹ || embieten ich Johans von Wengi² minen vndertenigen willigen dienst. Gnediger herr, als ich || den turn ze Wengi vnd ander gu^eter vnd o^vch etlich man vnd wib^a) von v´ch vnd von v´werm || gotzhus ze lehen han, als si min vordem an mich bracht hant, die selben lút vnd o^vch gůt send ich v´wern gnaden vf mit disem brief, also das ir si in gemeinde wis lihent mir, her Ru^edger von Wengi minem brůder vnd her Johans von Stetfurt³ miner basen sun. Vnd bit v´wer gnad flissklich vnd ernstlich, das ir die selben gu^eter vnd o^vch lút von mir also vfnement vnd si v´ns dien vorgenanten drijen in rechter gemeind lihent. Des getrúw ich v´wern gnaden wol vnd wil o^vch in allen sachen iemer dester gerner tůn, was ich weis, das v´wern gnaden lieb vnd dienstber von mir ist. Diser sach ze vrkúnd han ich min insigel offenlich ze rug gedruket vff disen brief. Der geben ist an dem nechsten samstag nach sant Hilarien tag, anno domini M°.CCC°.LXXX° quarto.

Source Fulltext: Chartularium Sangallense X, Nr. 5994, S. 167.