Allen^b) den, die disen brief ansehent lesent oder ho^erent lesen, kúnd ich V^olrich von Meldegg Johansen sa^elgen von || Meldegg² elicher sun vnd vergich offenlich mit disem brieue fúr mich vnd fúr alle min erben, daz ich dem erberen || wolbeschaidenn Albreht von Ainwille³ den hof gelegen ze Oberndorf⁴, den man nemmet der Meldegger hof, da fúr || vnd also ze ko^vffenn geben han mit so^elicher beschaidenhait vnd in dem rehten, bescha^ech daz sich befund vnd kuntlich wurd, daz Angnesa von Meldegg⁵ min swester in dem conuent ze Garten in der Richeno^ew⁶ iht mêr geltes hett dann aller ja^erlich von dem vnd ab dem vorgeschribenen hof vnd waz darzů vnd darin geho^ert ain phunt phenning gůter vnd gena^emer Costentzzer múnse ze ainem rehten lipgedinge vnd in lipgedinges wis vnd reht, alle die wile si lebt vnd in lib ist, daz ich vnd min erben, ob ich enwa^er, den vorgenanten Albreht von Ainwille vnd sin erben, ob er enwa^er, darumb gantzlich vnd gar entrihen vnd ledig vnd lôs machen súllent an fúrzug vnd ân allen iren schaden. Ta^etin wir daz niht, so hat der vorgenant Albreht von Ainwille vnd sin erben, ob er enwa^er, vnd iro helffer, wer die sint, friies vrlob vnd vollen gewalt darnach, wenn sv´ wellent, mich vnd min erben, ob ich enbin, ze phendenn ze no^etenn ze heftenn vnd an ze griffenn an lúten vnd an gůt vff dem land vnd in den stetten mit gaistlichem vnd mit weltlichem geriht vnd ân geriht ân klag vnd ân zorn, wie vnd wa vnd wahin sv´ daz getůn mugent, alz vil vnd alz lang, vntz daz sv´ von der selben ansprâch vnd von dem schaden, in den sv´ da von ka^emint, vnd o^vch von dem schaden, in den sv´ vnd iro erben vnd iro helffer von dez selben phendenns no^etenns heftenns vnd an griffenns wegen koment, gantzlich entrigen erlo^est vnd entschadgot werdent, vnd sol mich noch min erben noch v´nser lút noch gůt hie vor noch hie wider niht schirmen noch gůt sin enkainer lay sache noch fúrzug. Vnd ze vrkúnd der warhait aller der vorgeschribenen dinge vnd vergiht so han ich V^olrich von Meldegg da vorgenemt fúr mich vnd fúr alle min erben min insigel offenlich gehenkt an disen brief. Der geben ist ze sant Gallen an dem na^ehsten donstag nach sant Benedictus tag aines hailigen abtes in dem jar, do man zalt von Cristus gebúrt drúzehenhundert jar, ahtzig jâr vnd darnach in dem fúnften jare.

Source Fulltext: Chartularium Sangallense X, Nr. 6064, S. 243.