Wir Lúpolt von gottes gnaden hertzog ze O^esterich² ze Stir ze Kernden vnd ze || Krain graff ze Tirol etc. tu^end kunt menlich mit disem brief, dz wir durch || der getrvwen dienst willen, so vns vnsern landen vnd lúten die erbern vnser || getrvwen lieben der amman vnd die lantlút ze Switz³ vil vnd dik getan hant vnd noch tůn súllent vnd mugent, vnd o^vch durch der botten, so ietzunt by vns gewesen sint, erenstlicher bette willen dz geleit, dz wir vff gesetzet hatten ze Rapreswil⁴, abgelassen haben vnd lassent es ab mit disem brief gentzlich vntz an vnser oder vnser erben widerrůeffen. Mit vrkúnd dis briefes. Geben ze Rapreswil an der nechsten mitw^vchen nach dem palmtag, do man zalte von Cristus gebúrt drúzehenhundert vnd achtzig iar, darnach in dem fúnften jare.

Source Fulltext: Chartularium Sangallense X, Nr. 6066, S. 247.