Wir abt Walther vnd das cappittel gemainlich des gotzhus ze sant Johann in Turtail¹ gelegen in Costentzer bistum tůnd allen den, die di||sen brief ansehent lesen oder ho^errent lesen, kund vnd veriehent offenlich mit disem briefe, das wir mit gůter vorbetrachtung vnd beschai||denhait vnd von v´nser redlichen sach wegen verkôffet hant die ersamen Margareten Fritschis Fritschis ab der Hůb² elichi tochter vnd || hant si ze koffen geben fúr v´ns vnd fúr alle v´nser nachkamen aines rechten besta^etten redlichen ewigen vngeuarlichen vnwiderru^efflichen koffes anhelleklich mit ir lib alleklich vnd gantzlich vnd o^vch mit gůt vnd mit allen rechten vmb zehen phfund hailler, der wir gar vnd gantzlich ietz gewert sygint an der edlen vnd wolerbornen v´nser gena^edigen herren graf Donats vnd graf Diethelms von Tokkenburg³ gebrůder hand vnd o^vch zů aller ir erben handen vnd ledklich vnd frilich vf geben geuertgot vnd zů iren handen bracht, als recht sitt vnd gewonlich was, vnd won wir den selben ko^vff also mit gůtem willen vnd mit vorbedahtem můt gen inen getan hant, so hant wir v´ns ledklich vnd alleklich enzigen gen den vorgenenten edlen wolerbornen v´nser gena^edigen herren graf Donat vnd graf Diethelm von Tokkenburg gebrůdern vnd gen ir erben vnd enzihent v´ns o^vch wissenklich mit disem brief fúr v´ns vnd fúr alle v´nser nachkomen an der selben fro^vwen an ir lib alleklich vnd gantzlich vnd o^vch an ir gůt vnd an allen rechten aller aigenschaft aller manschaft aller kuntschaft aller lenschaft aller besazzung aller gewer aller zúnust lút vnd briefe aller vordrung vnd ansprach vnd o^vch alles rechten gaistlichs vnd weltlichs gerichtes, da mit wir oder v´nser nachkomen oder yeman andre von v´nsern wegen ko^endint oder mo^echtint angesprechen in dehain wise oder mit dehainer slaht ander sachen wegen. Wir hant ôch gelo^vbt vnd loben mit disem brief fúr v´ns vnd fúr v´nser nahkomen, der vorgenenten v´nser gena^edigen herren von Tokkenburg vnd ir erben der vorgenenten frowen vnd des koffer^a) reht wer ze sin gemainlichen vff weltlichen vnd vff gaistlichen gerichten nach reht, wo si des bedurfint, a^vn all geua^erd. Vnd ist dis alles reht vnd redlich beschehen vnd vollefu^ert mit aller ehafti hantvesti gewarsami worten werchen ra^eten vnd geta^eten, so dar zů gůt nútz vnd notdúrftig warent vnd dar zů geho^erret von reht vnd gewonhait. Vnd des ze vrkúnd vnd ze merer sicherhait aller vorgeschribner ding vnd geding hant wir obgenanter abt Walther vnd das cappittel gemainlich des gotzhus ze sant Johann in Turtail v´nsrú aigen insigel offenlich an disen brief gehenket. Dis beschach vnd ward diser brief geben an sant Ambrosiun tag in dem iar, do man zalt von gottes gebúrt drúzehenhundert iar, ahzig iar vnd dar nach in dem fúnften jare.

Source Fulltext: Chartularium Sangallense X, Nr. 6067, S. 247-248.