Wir^a) Cůno von gottes gnaden abt vnd der couent gemainlich des gotzhus ze sant Gallen¹ sant Benedicten ordens in Costentzer bystum, daz a^vn alles mittel || zůgeho^ert dem stůl ze Rom, veriehen vnd tůnt kunt allermenglichem mit disem brief fúr v´ns vnd fúr alle v´nser nachkomen, daz fúr v´ns kam ze Wil² in v´nser || statt hút dis tags, alz diser brief geben ist, der from v´nser vnd v´nsers gotzhus getrúwer dienstman Johans von Brunberg³ mit dem gaistlichen man her Ibergen || von Luterberg⁴ custer des gotzhus ze Vischinan⁵ och sant Benedicten ordens in Costentzer bistum, vnd ofnot da vor v´ns derselb Johans von Brunberg, der och von v´nserm gotzhus lehen ha^vt, vnd sprach, wan der from Cůntz von Múnchwile⁶ sesshaft ze Ffrowenveld⁷ ze disen ziten von ehaftiger redlicher sach vnd not wegen selber zů v´ns nit komen mo^ehti, dar vmb hetti er ledklich vnd frilich bi im demselben Johansen von Brunberg zů v´nsren handen vfgesendet die vogtye ze V´tershoven⁸, die ia^erlich giltet siben schilling, vnd die vogtie ze Braitenakker⁹, die ia^erlich giltet aht schilling pfenning Costentzer múns, mit allen rechten nútzen gewonhaiten vnd mit aller zůgeho^erd, die er och ains rechten redlichen kofs zekoffent geben hetti dem vorgenanten custer vnd dem gotzhus ze Vischinan an daz ewig lieht, daz der from vest ritter her Hug sa^elig von der Hohen Landenberg¹⁰ durch her Johansen von Luterberg sa^elgen couent brůders in dem obgenanten closter ze Vischinan sel hailes willen daselbs ze Vischinan gestift vnd geordnot hetti, dieselben vogtyen von v´nserm gotzhus sin lehen warent. Vnd gab v´ns do zestett derselb Johans von Brunberg an des vorgenanten Cůntzen von Múnchwile statt die obgenanten vogtyen mit aller zůgeho^erd ledklich vnd frilich vf zů v´nsern handen, vnd baten v´ns die vorgenanten Johans von Brunberg an Cůntzen von Múnchwiles vnd her Iberg custer an des obgenanten gotzhus ze Vischinan statt vnd von iro wegen flisklich vnd ernstlich luterlich durch got, daz wir die aigenschaft manschaft vnd lehenschaft vnd alles daz recht, so wir oder v´nser vordern vnd och nachkomen von des obgenanten v´nsers gotzhus wegen zů den obgenanten vogtyen ie gehatten ald hernach iemermer gewinnen mo^ehtent, an daz obgenant gotzhus ze Vischinan ledklich vfgeben wo^elten vnd v´ns des fúr v´ns vnd fúr alle v´nser nachkomen vnd och fúr daz obgenant v´nser gotzhus zů des obgenempten ewigen liehtes handen gantzlich verzihen wo^elten. Darvmb haben wir gemainlich mit ainhelligem ra^vt v´nsers capitels luterlich durch got vnd durch v´nser vnd v´nser vordern vnd nachkomen vnd durch aller glo^ebiger selan hailes willen si derselben bett wilklich geerot vnd haben geben vnd gent och redlich vnd recht mit disem brief fúr v´ns vnd fúr alle v´nser nachkomen die aigenschaft manschaft vnd lehenschaft vnd alles daz recht, daz wir ald v´nser obgenant gotzhus zů denselben vogtien ie gehatten ald hernach iemermer gewinnen mo^ehtent, an daz ewig lieht des vorgenanten gotzhus ze Vischinan, also daz dasselb lieht vnd des liehtes pfleger, wer die sint, zů desselben liehtes handen die vorgenanten vogtyen mit allen frien rechten ehaftin vnd zůgeho^erden nu hinnanhin iemermer a^vn v´nser vnd v´nser nachkomen vnd a^vn allermenglichs von v´nsers obgenanten gotzhus wegen sumen ierren vnd widerred inne haben vnd niessen sont vnd mugent fúr recht aigen vnd alz ir aigenlich gůt luterlich a^vn alle geva^erd. Vnd des alles ze offem vrkúnd der warhait so haben wir abt Cůno vnd der couent gemainlich da obgenant fúr v´ns vnd fúr alle v´nser nachkomen v´nser vnd v´nsers couents insigel offenlich gehenkt an disen brief. Der geben ist an dem na^echsten zinstag vor des hailgen crútz tag ze maiien, do man zalt von Cristus gebúrt drúzehenhundert vnd ahtzig jar, dar nach in dem sehsten jar.

Source Fulltext: Chartularium Sangallense X, Nr. 6136, S. 325-326.