Wir^a) frow^e Itt von Tockemburg gra^effinn^e zů Hohemberg¹ verienhen offenlich fúr v^ens vnd v^enser erben vnd tu^egen kunt meng||lichen mit disem brief, daz wir luterlichen vnd ainva^eltlichen durch gottes willen durch v^enser vordern vnd v^enser sel gelú||ckes vnd hailes willen gesunt dez libes vernúftig der sinn^e zů den zitten, do wir riten vnd ga^vn mohten, ledenclich von || der hant geben haben vnd geben ouch mit craft diß briefs v^enserm spita^vl gelegen ze Rotemburg² in der vorstatt vnd allen siechen dez selben spitals vnd ouch allen iren nachkomenden vier juchart aggers mit aller zůgeho^ert, die geho^erent in den kilchensatz der kilchen zů Súlchen³, ligent uf dem Dúrrenbach⁴ stoßent ainhalb an Hansen Sifritz sa^eligen wingarten vnd anderthalb an den To^vttenweg, dauor uß ga^vt ain malter korns nach der zeig wez denn^e darus wehst Rotemburger³ meß vnd zway herbst hu^enr^e geltz, vnd sol daz vorgenant v^enser spital vnd alle ir nachkomen vnd ouch all ir pfleger von iren wegen die vorgenanten vier jucharten aggers ewenclichen inn^e haben nießen vnd han besetzen vnd ensetzen a^vn v^enser v^enser erben vnd menglichs irrung vnd hindernúst, vnd verzihen v^ens fúr v^ens vnd v^enser erben aller brief reht vorderung vnd anspra^vch, die wir zů dem vorgenanten agger gehebt haben yetzo haben oder noch gewinnen mo^ehtin vnd da mit wir gen dem vorgenanten spital vnd iren nachkomenden gereden oder getůn mo^ehten, vnd sagen ouch all brief, die wir darumb haben gen in, von v^enseren wegen tod rehtloß vnd a^vn all craft. Vnd dez allez ze v´rkund vnd statter wa^vrheit so haben wir v^enser aigen insigel offenlich gehenckt an disen brief, vnd ze noch merrer sicherhait so haben wir gebetten v^enser lieben getrúwen den schulthaißen vnd den rat v^enser statt ze Rotemburg, daz sy von v^enser bett wegen zů ainer getzúgnúst aller vorgeschriben ding ir gemain statt insigel ze Rotemburg offenlich gehenckt ha^vnd an disen brief, dez ouch wir vorgenanten der schulthaiß vnd der ra^vt ze Rotemburg verienhen vns vnscha^edlich. Dirr^e brief ist geben an dem na^ehsten zinstag nach sant Walpurg tag nach Cristy gebúrt drútzzenhenhundert ja^vr, darnach in dem sehs vnd ahtzigosten ja^vr.

Source Fulltext: Chartularium Sangallense X, Nr. 6138, S. 328.