Wir^a) fro^vw It^b) von Tockemburg¹ gra^effinn^e ze Hohemberg^c)2 tu^egen kunt^d) vor aller menglichen, das wir mit wolbedahtem můt gesunt des libes zů den ziten, do wir das wol || getůn mohten, als das uf gaistlichen vnd weltlichen gerihten pillich craft vnd maht ha^vn sol vnd haben mag nach dem rehten, luterlich durch gott vnd v^enser vnd v^enser || vordern vnd nachkomen selen gelúckes vnd hailes willen geordenet vnd gegeben haben ordenen vnd geben ouch wizzenklich mit craft diß briefs ainem yeglichem^e) capplon, || der denn^e fúro hin v´mmer komet vnd gewidemet wirt zů dem spitta^vl gelegen in v^enser statt Ho^vrw^e3, die hundert pfund vnd zenhen pfund gůter haller, darumb v^ens der edel wolgeborn herr Růdolf graf zů Hohemberg⁴ vor etweuil zit die hofstatt zins vnd ouch garten zins in der egenanten siner statt Horw^e versetzt ha^vt nach der brief sag, so wir von im darumb inn^e haben, also das ain yeglich capplon des egenanten spitta^vls ze Ho^vrw^e vnd all nachkomend capplon die selben hofstatt vnd garten zins nun fúro hin v´mmer me alle iar uf sant Martins tag samlen vnd zů iren handen niemen súllen vnd die zů rehter pfrůnd haben vnd nießen mit allen den rehten, als wir die zins vnd gelt biß her inn^e gehebt vnd genoßen haben, daran wir noch v^enserr erben vnd nachkomen noch suß niemen anders von v^ensern wegen dehainen capplon des selben spitta^vls númer me gesumen noch geirren súllen noch wellen noch schaffen daran gesumpt werden kains weges, won das wir sy dartzů getrúw^elich schirmen vnd halten wellen, so wir best múgen, a^vn all geuerd, vnd vertzihen v^ens fúr v^ens alle v^enser erben vnd nachkomen aller der reht vorderung vnd anspra^vch, die wir vnser erben oder nachkomen zů den vorgenanten hofstat vnd garten zinsen in der wiß, als vorges(chriben) sta^vt, biß her ye gehebt haben oder fúro hin v´mmer me gehaben oder erlangen kúnden oder mo^ehten, es wa^er mit geriht oder a^vn geriht mit brieffen oder a^vn brief súß oder so. Won was brief vnd vrkúnd wir vmb die pfantschaft der vorges(chriben) hofstatt vnd garten zinsen haben von dem edeln graf Růdolffen von Hohemberg, die súllent inen nun fúro hin múzz^ef) vnd gůt sin vnd dehainen schaden bern noch bringen weder suß noch so a^vn geuerd, doch wenn^e der egenant graf Růdolf von Hohemberg sin erben oder nachkomen ain widerloßung der vorges(chriben) hofstatt vnd garten zinß vorderent vnd begerend, so sol in ain yeglicher capplon, der denn^e ze ma^vl des egenanten spitta^vls ze Horw^e capplon ist, ainer widerloßung gehorsam sin vnd statt tůn a^elle ja^vr uf sant Martins tag viertzenhen tag da vor oder viertzenhen tag darnach vmb die sum^e der vorges(chriben) hundert pfund vnd zenhen pfund gůter vnd gena^emer haller a^vn all fúrtzo^eg vnd widerred vnd ouch a^vn allen iren schaden vngeua^erlich. Mit namen so haben wir ouch bedingt, wenn^e es ze schulden kumpt, das die obges(chriben) hofstatt vnd garten zins erlo^eßt werdent vmb die sum^e der vorges(chriben) hundert pfund vnd zenhen pfund gůter haller, welher priester denn^e zema^vl capplon ist des egenanten spita^vls ze Ho^vrw^e, der sol denn^e die selben zenhen pfund vnd hundert mit ra^vt hilf der, die denn^e zema^vl des spitals fúrmúnd vnd pfleger sind, an legen vnd anderú gůt darumb kouffen, da mit das gelt fúro bewennt vnd fúrkert werd mit andern nútzzen nach dem aller besten vnd nützlichsten, das ain yeglich capplon v´mmer eweclich dester fúro daran habend sig a^vn arg list vnd geuerd. Vnd des ze vrkúnd so haben wir vorgenante fro^vw^e It von Tockemburg v^enserr aigen insigel offenlich gehenckt an disen brief. Wir graf Růdolf von Hohemberg vnd wir fro^vw Marggret von Hohemberg⁵ marggra^effinn^e ze Baden tu^egen ouch kunt vor aller menglichen, das diß gema^echt vnd ordenung aller vorges(chriben) ding vnd sachen mit vnserm gunst vnd gůten willen beschenhen ist, vnd súllen noch wellen wir noch v^enserr erben dehainen capplon des egenanten spitta^vls in v^ensers statt Ho^vrw^e an den hofstatt vnd garten zinsen, so hie vorges(chriben) sta^vt, nit hindern irren noch sumen noch schaffen daran gesumpt werden kains weges, doch v^ens vorgenantem herren von Hohemberg v^ensern erben vnd nachkomen vnscha^edlich an der loßung dirr vorges(chriben) gůt vngeua^vrlich. Vnd des ze vrkúnd vnd merrer sicherhait so haben wir ouch v^enserú aignú insigel offenlich gehenkt an disen brief. Der geben ist an dem na^ehsten zinstag vor v^enserr fro^vwen tag, als si geborn ward, nach Cristus gebúrt drútzzenhenhundert ja^vr, darnach in dem súben vnd ahtzigosten jar.

Source Fulltext: Chartularium Sangallense X, Nr. 6202, S. 405-407.