Wir fro^vw It von Tockemburg gra^effinn^e ze Hohemberg¹ tu^egen kunt vor aller menglichen, das wir mit wolbedahtem můt gesunt || des libes zů den ziten, do wir das wol getůn mohten, als das uf gaistlichen vnd weltlichen gerihten pillich craft vnd maht ha^vn sol vnd || haben mag nach dem rehten, luterlich durch gott vnd v^enser vnd v^enser vordern vnd nachkomen selen gelu^eckes vnd hailes willen || geordenet vnd geben haben ordenen vnd geben ouch wizz^eklich mit craft diß briefs an den stift des spitta^vls gelegen in v^enser statt Horw^e2 v^enser halbtail, so wir haben an Sallstetten³ dem dorf mit lút vnd mit gůt mit a^eggern wisen holtz veld wazzer wunn^e vnd waid by wasen vnd by zwig mit aller eha^efty vnd gewaltsami mit stab mit geriht mit zwingen vnd bennen mit stúren erben vallen vnd ho^vptrehten mit allen gelten vnd gúlten, es sige an korn haller genß hu^enr oder aiger gelten mit grozzen vnd clainen zenhenden vnd besunder mit allen den rehten nútzzen vnd gewonhaiten, so denn^e yendert v´beral zů dem egenanten v^enserm halbtail des vorges(chriben) dorfs Sallstetten geho^ert vnd geho^eren sol vnd mag, es sig benempt oder nit fundes oder vnfundes clains vnd gro^vzz nútzit uß genomen, als wir das vmb Diemen von Stainhúlw^e4 sa^eligen vor etweuil zit kouft haben vnd das biß uf disen húttigen tag inn^e gehebt her bra^vht vnd genoßen haben, also das die pfleger des egenanten spitta^vls ze Horw^e vnd all ir nachkomen den selben halbtail des egenanten dorfs Salstetten mit den nútzzen, so vo(r)ges(chriben) sta^vt, nun fúro hin inn^e haben nútzzen vnd niezzen súllend geru^eweklich a^vn all v^ensre vnd v^ensere erben vnd ouch a^vn aller menglichs irrung sumung vnd hindernúst a^vn geua^erd ze gelicher wiß, als wir die gůt biß her inn^e gehebt vnd genozzen haben, doch mit der beschaidenhait, das die vorgenanten pfleger die selben nútzz^e des egenanten halbtails an Salstetten v^enserm dorf in der wiz^e, als vorges(chriben) sta^vt, den siechen lúten des vorgenanten spitta^vls ze Ho^vrw^e vnd allen kúnftigen armen, die denn^e v´mmer me darin komend, nútzz^elichen an legen vnd fúrkeren súllent nach dem aller besten, das sy da von getrúwlich gespîset vnd getro^est werden gott ze lob vnd ze eren. Wir verzihen v^ens ouch fúr v^ens alle v^enser erben vnd nachkomen aller der reht vorderung vnd anspra^vch, die wir v^enser erben oder nachkomen zů dem vorgenanten halbtail des dorfs Salstetten in der wiß, als vorges(chriben) sta^vt, biß her ye gehebt haben oder fúro v´mmer me gehaben oder erlangen kúnden oder mo^ehten, es wa^er mit geriht oder a^vn geriht mit brieffen oder a^vn brief suß oder so a^vn alle geuerd. Vnd des ze v´rkúnd so haben wir vorgenante fro´w^e Itt von Tockemburg vnser aigen insigel offenlich gehenckt an disen brief. Wir graf Růdolf von Hohemberg⁵ vnd wir fro^vw^e Margaret von Hohemberg marggra^effinn^e zů Baden⁶ tu^egen ouch kunt vor aller menglichen, das diß gema^echt vnd ordenung aller vorges(chriben) ding vnd sachen mit v^enserm gunst vnd gůten willen beschenhen ist, vnd súllen noch wellen wir noch v^enser erben die pfleger des egenanten spitta^vls in v^enser statt Ho^vrw^e noch ir nachkomen an dem egenanten halbtail des dorfs Salstetten, so hie vorges(chriben) sta^vt, nit hindern irren noch sumen noch schaffen daran gesumpt werden kains weges suß noch so a^vn alle geuerd. Vnd des ze v´rkúnd so haben wir v´nserú aigenú insigel ouch offenlich gehenckt an disen brief. Der geben ist an dem na^ehsten fritag vor v^enser fro^vwen tag, als sy geborn ward, nach Cristy gebúrt drútzzenhenhundert ja^vr, darnach in dem súben vnd ahtzigosten ja^vr.

Source Fulltext: Chartularium Sangallense X, Nr. 6203, S. 407-408.