Wir Cůno von gottes gnaden abt vnd der conuent gemainlich des gotzhus ze sant Gallen¹ sant Benedicten ordens || in Costentzer bystum, das a^vn alles mittel zů geho^ert dem stůl ze Ro^vm, tůnd kund vnd veriehent offenlich mit disem gegen||wúrtigen brief allen den, die in ansehent lesent oder ho^errent lesen, das fúr v´ns kam der beschaiden A^endras Wermaister || burger ze Wangen² vnser vnd vnsers vorgenamten^a) gotzhus man vnd batt v´ns ernstlich, das wir im die gna^vd ta^etin vnd ain gůt haisset Karbach³ giltet ja^erlich fúnfzehen schilling Pfenning Costentzer múns vnd ain malter habern Wanger messes, das sin reht lehen wa^er von v´ns vnd v´nserm vorgenamten^a) gotzhus ze sant Gallen, aignen vnd fryen wo^eltin den erwirdigen herren dem abt vnd dem conuent des gotzhus ze Wingarten⁴ sant Benedicten ordens in Costentzer bistum gelegen, vnd da wider so wo^elt er denn v´ns vnd vnserm vorgenamten^b) gotzhus ze sant Gallen ain aigen friie gůt haisset zem Mellun⁵ gelegen bi dem Wanbrehtz⁶ vnd gilt ja^erlich ain pfund pfenning Costentzer múnse vnd zwai malter haber Wanger mess vff geben ze vnsern handen vnd das selb gůt von v´ns enpfahen vnd es dannenhin von vns vnd vnserm vorgenamten^b) gotzhus ze sant Gallen alweg ze rehtem lehen haben, vnd wo^elt o^vch v´ns vnd vnserm vorgenamten^a) gotzhus darvmb brief geben vnd versigellen, wie wir des no^vtdurftig wa^eri^c). Vnd do erhortont wir sin ernstlichen bett vnd habent alle ainberlich vnd ainmu^etlich mit gůter vorbetrahtung von friier gab frilich vnd willeklich geben vnd gebent mit disem brief dem vorgenamten abt vnd dem conuent des vorgenamten^a) gotzhus ze Wingarten das obgeschriben gůt genamt Karbach, das da giltet fúnfzehen schilling pfenning Costentzer múnse vnd ain malter haber Wanger mess, mit aller zůgeho^erd vnd setzen den^d) selben abt vnd den conuent des ietzgenamten gotzhus ze Wingarten in liplich vnd in nutzlich gewer des vorgenamten^a) gůtes nútzen vnd zů geho^erden, als vorgeschriben sta^vt, ru^eweklich ze niessent ze besetzenn vnd ze entsetzenn vnd ze habent als ir aigen gůt a^vne vnser vnd aller vnser nahkomen widerred. Vnd hierv´ber so haben wir^e) willeklich mit wolbedahtem můt ainhelleklich mit gemainem ra^vt entzigen vnd entzihen vns mit disem brief fúr v´ns vnd fúr alle vnser nahkomen vnsers ordens alles rechten aller rehtung aller vordrung vnd ansprach, so wir oder vnser vordem ie gewunnen oder wir ald vnser nahkomen gemainlich oder dehainer sunderlich iemer gewúnnen mo^ehtin von reht oder von gewonhait zů dem vorgenamten^a) gůt ald zů kainer siner zůgeho^erd geho^ert vnd geho^eren solten. Darzů haben wir v´ns o^vch entwert vnd entwerrent v´ns o^vch mit disem brief aller gewer, so wir oder v´nser vordern ie gewúnnen vnd gehebt haben ald vnser nahkomen iemer gewúnnen mo^ehten zů dem obgeschriben gůt ald zů dehainer des selben gůtz zů geho^erd. Vnd ist diz alles beschehen vollfu^ert redlich vnd reht mit allen den worten werken vnd geta^eten vnd mit aller krafft, so darzů ho^ert vnd no^vtdurftig was von reht vnd von gewonhait. Vnd das diz alles war vnd sta^et belibe nv^ vnd hernach, so haben wir der vorgenampt abt Cůn vnd der conuent gemainlich des vorgeschriben gotzhus vnser vnd vnsers conuentz insigel gehenkt an disen brief fúr vns vnd fúr alle vnser nahkomen. Der geben ist ze Wil⁷ in vnsers gotzhus statt an dem na^ehsten zinstag vor vnsers herren fronlichamen tag in dem jar, do man zalt von Cristi gebúrt drúzehenhundert jar, ahtzig jar vnd siben jar.

Source Fulltext: Chartularium Sangallense X, Nr. 6190, S. 391-392.