Ich^a) Cristoffel Maiger von Altstetten¹ vergich vnd tůn kunt^b) offenlich mit vrkúnd diss briefs, daz fúr mich || komen ist der beschaidenn Go^esswin Karll statschriber ze Veltkirch², vnd ha^vt fúr mich bra^vht von dez zehenden || wegen ze Rúti³, als der Clausen Rútiners vnd sin rechtú gemaind vnd tail ist, sunderlich so sig dez selben || Clausen Rútiners tail von mir recht manlehen, da sig nu^v Claus Rútiner von todes wegen ab gangen, vnd getruwi darvmb von der gemaind wegen, daz er dez zehenden geerb sig vnd dez nieman geno^vss sig wan er, vnd ha^vt mich darvmb gebetten von dez rechten wegen vnd wan es ain friges lehen ist, daz ich im den selben zehenden ze Rúti Clausen Rútiners seligen tail mit aller zůgeho^erd lihi, dez selben Go^esswins schribers ernstlichen bet ich verho^ert ha^vn vnd ha^vn im den selben zehenden Clausen Rútiners seligen tail mit allen rechten nútzen vnd zůgeho^erden recht vnd redlich ze ainem rechten manlehen verlihen nach lehens recht vnd lih im den, wz ich im von rechtz wegen daran verlihen mag, mit vrkúnd diss briefs. Dez ze vrkúnd ha^vn ich obgenanter Cristoffel Maiger min aigen insigel gehenkt an disen brief. Geben ze Altstetten an dem na^echsten donstag nach der mannvasnaht nach Cristus gebúrt drúzehenhu^vndert vnd im nún vnd achtzigosten jar.

Source Fulltext: Chartularium Sangallense X, Nr. 6313, S. 557.