Wir^a) graf Donat von To^ekkenburg¹ graf ze Brettengo^e2 vnd ze Thafaus³ tůnd kund offenlich mit vrkúnd dis briefs || allen den, die in an sehent lesent oder ho^errent lesen, dz wir mit gůter vorbetrahtung vnd beschaidenhait verlihen || habint vnser gůt ze Tornovtz⁴ gelegen in Brettengo^e ob Kúblis⁵, vnd habint das mit gůter vorbetrahtung vnd besch||aidenhait fúr vns vnd vnser erben mit wisen mit akren mit holtz mit veld mit wnne mit waiden mit grund mit grat mit stok mit stain mit wasen mit zwi mit in geng mit vs geng mit allen rehten nútzzen gewonhaiten vnd zůgeho^erden, so von reht vnd gewonhait dar zů vnd dar in geho^ert vnd geho^eren sol, reht vnd redlich verlihen dem erbern kneht Johansen Fa^elsch vnd sinen erben ze ainem rehten redlichen erblehen, dz er vnd sin erben die gu^eter von vns vnd vnsern erben inne haben vnd niessen sond vnd mugint nach erblehens reht, vnd och also, dz er vnd sin erben vns vnd vnsern erben von dem selben gůt ja^erlich ze sant Martis tag oder inwendig vierzehen tagen nach sant Martis tag vngeuarlich ane alle minrung vnd ane abgang vnd och ane allen fúrzug ze rehtem wernden zins ja^erlich rihten vnd weren sond zwai pfund pfenning gůter vnd gna^emer Costenzer múnss oder ander múnss, ye die denn ze mal fúr so vil Costenzer geng vnd ga^eb ist ze Cur in der stat, wir vnd vnser erbun sond och der vorgenanden Johansen Falschs vnd des erben des vorgenanden gůtes vnd erblehens reht wern sin nach reht gen ma^enlichem an allen den stetten, da si des bedurfint, wen wie wa vnd als vil vnd dik sú des notdurftig werdent, nach erblehens reht ane gefa^erd. Es hat och der obgenand Johans Falsch vnd sin erben vollen gewalt vnd fryes vrlob, wenne daz ist, dz sú bi den vorgenanden gu^etern nit wellent noch mugint beliben, daz sú denn iren v´bernutz vnd irú reht mugint versezzen oder verkoffen, wem sú wellent vnd inan aller fůglichest ist, doch allen vnsern rehten núzzen zinsen vnd gewonhaiten gantzlich ane schaden, vnd sint allú vorgeschribnú ding vnd geding beschehen vnd vollefu^ert mit aller ehafti hantvesti gewarsami worten werchen ra^eten vnd geta^eten, so dar zů gůt nútz vnd notdúrftig warent vnd dar zů geho^ert von reht vnd gewonhait. Vnd des ze vrkúnd vnd ze merer sicherhait aller vorgescribner ding vnd geding hant wir graf Donat von Tokkenburg vnser insigel offenlich gehenket an disen brief. Der geben ist an sant Barnabas tag des hailigen botten in dem iar, do man zalt von Cristus gebúrt drúzehenhundert iar, achtzig iar vnd dar nach in dem núnden jare.

Source Fulltext: Chartularium Sangallense X, Nr. 6326, S. 570-571.