Allen den, die disen brieff ansechent lesend oder ho^errent lesen, kúnden wir Johans Wa^eltis vnd Walther vom Fryendorff¹ gebrůder vnd veriehen offenlich an disem brieff fúr v´ns vnd v´nser erben, das die fromen wisen Bartlome Blarer, V^olrich Ru^edger vnd V^olrich Ko^echler pfleger vnd meyster des spitales der siechen ze sant Gallen² an desselben spitals statt v´ns beiden verlihen habend den hoff zem Fryendorff, den man nempt des spitals gůt, der des spitals recht aigen ist, ze einem rechten sta^eten erbzinslehen, also mit der bescheidenheit, das wir oder v´nser erben, ob wir ensind, den selben hoff mit hus mit hoff mit akern mit wisen mit wunn mit weid mit holtz mit veld vnd mit allen rechten nútzen vnd zůgeho^erden gantzlich vnd gar vnwůstlich haben niessen besetzen vnd entsetzen sôllent vnd sôllen wir vnd v´nser erben, ob wir ensind, da von dem selben spital aller jerlichen je vff sant Martis tag fúnff malter baider korns, das ist drithalb malther vesen vnd drithalb malter haber gůtes vnd vngeuarlichen baider kornes sant Galler messes, sechs schilling pfenning gůter Costentzer múntz vnd vier hu^enr ze rechtem ierlichem zins a^vn allen fúrzug vnd widerred a^vn alle mindrung gantzlich vnd o^vch gar geben vnd antwurten ze sant Gallen in der stat a^vn allen desselben spitales schaden a^vn geuerd, vnd haben wir dem selben spital darumb geben VI lb, d. gůter Costentzer múntz ze rechtem erschatz. Es ist ouch beredt vnd bedinget worden, beschech das wir oder v´nser erben deheines jares von v´nsern rechten des vorgenempten hoffes vnd erbzinslehens gan vnd die verkouffen wôltind, so sollen wir die selben v´nseri recht dem selben spital vnd sinen pflegern des ersten veil bieten vnd vor menklichem ze kouffen geben fúnf schilling pfenning der vorgeschriben múntz neher vnd bas denn jeman anders, ob si die kouffen woltind. Wo^eltind aber si die nit kouffen, so mugen wir dannenhin die selben v´nsri recht wol ze kouffen geben, wem wir wellen, dem selben spital an sinen rechtungen an schaden. Beschech ouch, das der vorgedacht spital deheines jars von sinen rechten des vorgeschriben hoffes zem Fryendorff gan vnd die verkouffen woltind, so sol der selb spital die selben sini recht^a) ouch v´ns vnd v´nsern erben^b) des ersten veil bieten vnd vor menklich ze kouffen geben ouch fúnff schilling pfenning der selben múntz neher vnd bas denn jeman anders, ob wir si kouffen woltind. Woltind wir si aber nit kouffen, so mugen si dannenhin die selben iro recht wol ze kouffen geben, wem si wellent, v´ns vnd v´nsern erben an v´nsern rechten an schaden. Vnd des ze warem vrk(únd) vnd sta^eter sicherheit so haben wir die obgenanten Johans Wa^eltis vnd Walther vom Fryendorff erbetten den^c) bescheiden V^olr. ab dem Berg burger ze sant Gallen, das er sin insigel fúr v´ns gehenkt hat an disen brieff, vnder das insigel wir v´ns vnd v´nser erben willenklich gebunden haben, won wir nit eigen insigel haben, des ich der selb V^olr. ab dem Berg vergich mir vnd minen erben a^vn schaden. Diser brieff ist geben ze sant Gallen am nechsten samstag vor der vffart in dem iar nach gottes gebúrt drúzehenhundert jar, dar nach in dem nún vnd achtzigosten jare.

Source Fulltext: Chartularium Sangallense X, Nr. 6322, S. 566.