Den fursihtigen wisen dem burgermaister vnd dem rat der stat ze L sant Gallen enbut ich her Hans von Bodmen dez eltsten svn von Bodmen¹ L min willig dienst. Lieben frund, vmb die stur, die ir mir^a) L geben soltend han vf den vergangenn sant Martins tag in dem nun vnd ahzigosten jar von mins hern dez Romschen kungs wegen, da bit ich vch, daz ir daz selb gelt gebind Petter dem Svnnentag von Costentz, wenn ir daz getan hand, so sagen ich vch der selben^b) vergangen stur kwit ledig vnd los mit vrkund diz briefs. Der geben ist ze Costentz vf sant Ilargen tag in dem LXXXX jar, versigelt mit minem vfgetrukten insigel.